2 Samuel 23:5 - MUKANDA USANDU WA ZAMBI 1975

⁵ Chamwenemwene munyachi wami kuwapwile chocho ni Zambi, hindu hanakolesa ni yami usendo wa mutolo, wa kululika mu yuma yeswe, wakola. Wenawo wapwa ulamwino wami weswe ni kuzanga chami cheswe, chipwe kausokeseleko.

Mukanda Wa Zambi 1970

⁵ Chenacho Mwene Zambi makawahisa vungu liami, mumu hanakolesa Usendo wa miaka yeswe ni yami, uze kuuchi kafwa nichimwe, chilakenyo chize kuchahashile kwalumuka. Yino ye nakuzanga, che muchikabwa kukumba chami, Zambi makachitayiza chamwenemwene.

2 Samuel 23:5 Iomraidhean Croise

Ubutukilo 9:16

Kongolo kumakapwa mu lelwa, ni yami mungutalako hanga ngukewuluke usendo wa mutolo hakachi ka Zambi ni akwa mwono eswe a musunya weswe atwama hashi.

2 Samuel 12:10

Kashika, katana kechi kukatuka ku zuwo lie, mumu hiwangulelesa, hiwambata pwo lia Uriya Ka-Hete.

2 Samuel 13:14

Hindu kapanjikile liji lienyi alioze se wamuhianyine ni tachi yamukumba, yapomba nenyi.

2 Samuel 13:28

Absalome yatuma ngamba jenyi ngwenyi, Talenu kanawa, muze mbunge ya Amnone muyiwaha kanawa ni vinyu, ni yami mungunwamba ngwami, Lambenu Amnone, himushihenu, kanda nwivwa woma. Ngwami, hinanwaha shimbi. Hamukenu; takamenu.

2 Samuel 18:14

Joabe ngwenyi, Chichi kulaluka chocho ni yena. Yanda mivu yitatu mu kwoko lienyi, yatuwa nayo mbunge ya Absalome shimbu achili ni mwono hakachi ka carvalho.

2 Samuel 7:12

Muze matangwa je hamanunuka hiwaya tulo, hiwaya kuli tulamba twe, kulutwe mungukakolesa mukwa munyachi we yoze wamusema, mungukakolesa wanangana wenyi.

2 Samuel 7:18

Mba mwanangana David yanjila, yatwama kumeso ja Yehova. Yamba ngwenyi, Mwene Yehova kuchi napwa yami, hanji munyachi wami kuchi wapwa wanguneha ndo kuno?

1 Yitanga Ya Mianangana 1:5

Kulutwe Adonija mwana Hagita yalinangamisa ngwenyi, Yami mungupwa mwanangana. Yalilulikila matemba-a-jita, ni akwa tuvwalu, ni makumi atano a malunga akwa kuzomboka kulutwe henyi.

1 Yitanga Ya Mianangana 11:38

Nyi mupanjika ku yuma yeswe ngunakwambe ukende mu majila jami, ukalinge yize yinapeme kumeso jami, ukafunge yiyulo yami ni shimbi jami ngwe kavumbi kami David, nyi chocho mungukapwa hamwe ni yena, mungukakolesa munyachi we ngwe nakolesele wa David; mungukwaha Izalele.

1 Yitanga Ya Mianangana 12:14

Yahanjika kuli ayo nikulita ni mana ja akweze, ngwenyi, Tata walemesene kanga yenu; ami munguwezaho. Tata wamwambile ni shikote; ami mungunulamba ni tuvwanda.

Miaso (Masamu) 111:9

Hanatumu ukule kuli atu jenyi. Hanahana shimbi ya usendo wenyi ku miaka ya mutolo jina lienyi lisandu; kole ni woma.

Miaso (Masamu) 119:81

Mbunge yami kuyafwila ulamwino we, alioze nakutalatala liji lie.

Miaso (Masamu) 27:4

Chuma chimuwika hineta kuli Yehova, chenacho mungufupa; hanga ngukatwame mu zuwo lia Yehova miaka yeswe ya mwono wami. Ngukamone upeme wa Yehova, ngukazewule tembele yenyi.

Miaso (Masamu) 62:2

Iye wika kapwa liwe liami kanda ulamwino wami. Iye kaposhi kami musuku, kashika chichi kukokoloka chikolo.

Miaso (Masamu) 89:3

Hingunakolesa usendo ni yoze namutongwele. Hingunalilakenya ni shingo kuli kavumbi kami David.

Izaya 11:1

Kumukusoka mutombo umwe ku chimbunji cha Yese; mutango wa ku miji yenyi muukema mihuko.

Izaya 27:6

Ha matangwa a kulutwe Yakomba masoka miji; Izalele matemuna yitemo ni kusokesa mafwo, ni kuzalisa hashi heswe ni mihuko.

Izaya 4:2

Ha tangwa lize mutango wa Yehova muukapwa upema wa uhenya, ni mihuko ya chifuchi muyipwa uhenya wa kulisamba nawo wa waze anasala mu Izalele.

Izaya 54:10

Milundu muyihasa kujimuka, ni mindundena muyitutuluka, alioze utu wa zango liami kuuchi kakukatuka, ni usendo wami wa sambukila kuuchi katutuluka. Chocho kanambe Yehova, mukwa kukuvwila keke.

Izaya 55:3

Neha twitwi lie, wize kuli yami. Panjika, mbunge ye yikatwame ni mwono. Mungukolesa ni yena usendo wa mutolo, utu wami wa zango ukolo kuli David.

Izaya 61:8

Mumu yami Yehova nakuzanga upatwilo wa kulita, nakuvwila kupiha wiji ni uhenge. Ni umwenemwene mungwaaha kwononona cho, mungukolesa no usendo wa mutolo.

Izaya 7:14

Kashika Mwene iye mwene makwaha chilayi. Nyingika, umwe *virgem maseseka, masema mwana wa lunga, mamuluka jina—Emanuele.

Jeremia 32:40

Mungukakolesa no usendo wa mutolo, chichi katewuluka kuli ayo kulitwamina kwalinga yipema, mba mungukasa woma wami mu mbunge jo hanga o nawa kechi katewuluka kuli yami.

Jeremia 33:21

nyi chocho, ni usendo wami ni David muutá kuushiha hanga kechi kapwa ni mwana wa lunga kutwama ha ngunja yenyi, ni usendo wami ni tuvumbi twami asasendote ja Levi.

Ezekiel 37:26

Mungukakolesa no usendo wa sambukila. Muukapwa usendo wa mutolo, mba mungukaawahisa, nikwaokesa; mungukasa zuwo liami lisandu hakachi ko ndo ku miaka yeswe.

Amose 9:11

Ha tangwa lize mungutungulula nawa mbalaka ya David yize hiyinapuzuka. Mungukalulika yituwa yayo, nikumika nawa yize yalimbuka hashi, ni kuyitungulula chizechene ngwe ha matangwa a kunyima,

Yilinga 13:34

Alioze se wamuhindwishile hakachi ka afu, haliapwila kechi kahiluklla nawa ku kupola ndo ku miaka ya mutolo, hanahanjika ngwe chino ngwenyi, Kumakakwaha yiwape yisandu yamwenemwene ya David,

Hebreu 13:20

Haliapwila Zambi ya sambukila, yoze wachijile cheka nawa hakachi ka afu Mwene wetu Yesu, mwe kafunga munene wa mapanga, ku manyinga ja usendo wa mutolo,

Hebreu 6:19

Chino tuli nacho ngwe ankora ya mbunge, kuyajikiza, kuyakola nawa, se yanjila muze muchima lia chikalakala cha hina;

1 Samuel 2:35

Mba mungulisolwela sasendote umwe wa jika, yoze malinga nikulita ni yize yeswe yili mu mbunge yami ni mu manyonga jami. Mungumutungila zuwo likolo. Iye mendela ndo ku miaka yeswe kumeso ja yoze hingunamuwayisa ni maji.

1 Samuel 25:28

Konekenenu kama mulonga wa yami kavumbi kenu, mumu pundu Yehova makakolesa zuwo lia yenu mwene wami. Mumu yenu mwene wami nunase jita hali Yehova; chipi kechi kachiwana muli yenu matangwa eswe a mwono wenu.