2 Samuel 23:18 - MUKANDA USANDU WA ZAMBI 1975

¹⁸ Abishai mwanakwo wa Joabe mwana Zeluia iye wapwile mukwa lutwe hakachi ka atatu. Iye wazundwile kunga lienyi kulimika ni kulakaji atatu. Yaashiha. Kashika wapwile ni lufuma hakachi ka atatu.

Mukanda Wa Zambi 1970

¹⁸ Abishai, mwanakwo ya mwata Joabe, naye te Zeruya, yabwa mwata wa “Tujita Makumi Atatu.” Yasa jita ni tujita 300, yaashiha eswe ni kunga lienyi ha chisuho chimuwika, mba yabwa kajita wa lufuma mukachi ka “Tujita Makumi Atatu.”

2 Samuel 23:18 Iomraidhean Croise

2 Samuel 10:10

Waze hasala yaahana kuli mwanakwo Abishai, iye yaasa akalimike ni A-Amone.

2 Samuel 10:14

Muze A-Amone amwene ngwo, A-Seria hachina, no nawa yachina kumeso ja Abishai, yanjila mu chihunda. Mba Joabe yahichika A-Amone, yahiluka ku Yerusaleme.

2 Samuel 18:2

David yatuma e atu mu yihanda yitatu: chihanda chimuwika mu chiyulo cha Joabe, chihanda chikwo mu chiyulo cha Abishai mwana Zeluia, mwanakwo wa Joabe, ni chihanda chikwo mu chiyulo cha Itaia Ka-Ngata. Mwanangana yamba kuli atu ngwenyi, Ni yami nawa kumunguya ni yenu.

2 Samuel 2:18

Acho e ana atatu a malunga a Zeluia apwileko, Joabe, ni Abishai, ni Asahele. Asahele aye kuzomboka chenyi chapwile ngwe cha kai.

2 Samuel 20:10

Alioze Amasa katalile ku katana mu kwoko lia Joabe. Yamulamba nenyi mu jimo, yamwanga mijingwa yenyi hashi. Kamulambile nawa; yafwa. Mba Joabe ni mwanakwo Abishai yahanga Shipa mwana Mbikiri.

2 Samuel 23:19

Iye wapwile mulemu wahiana hakachi ka atatu kashika amupwishile kapitau. Hindu kahetele kuli atatu atangu.

2 Samuel 3:30

Chocho Joabe ni mwanakwo Abishai yashiha Abenere mumu te iye hashiha mwanakwo Asahele mu jita ku Ngibeone.

1 Sango Ja Mianangana 2:16

mandumbu jo Zeluia, ni Abigale. Ana ja Zeluia a malunga wano: Abishai, ni Joabe, ni Asahele, atatu.

Longeshi 4:12

Nyi mutu makumba yoze uli ukawenyi, hindu aali mahasa kulimika nenyi. Muhipu wa mbanda mutatu kuuchi kupatuka nikawashi.