2 Samuel 22:9 - MUKANDA USANDU WA ZAMBI 1975

⁹ Mwishi wakatukile ku mazulu jenyi, kahia ka ku kanwa lienyi kalesele, kakuyila ni makala a kahia.

Mukanda Wa Zambi 1970

⁹ Mwishi yiukakumuka mu mazulu jenyi, milengi ya kahia ni makala yiilengenya mu kanwa lienyi.

2 Samuel 22:9 Iomraidhean Croise

2 Samuel 22:13

Ku kupeyima cha kumeso jenyi kwayilile makala a kahia.

2 Samuel 22:16

Mba ha mashima ja kalunga-lwiji hasolokele, fundamentu ja hashi jafukukile ha kwámbila cha Yehova, ha kakundukundu ka mwiku wa mu mazulu jenyi.

Jobe 4:9

Zambi kakwanongesa ni mwiku wenyi, kakwalalisa ni kangonga ka utenu wenyi.

Miaso (Masamu) 18:15

Mba ha mashima ja meya hasolokele, fundamentu ja hashi jafukukile ha kwámbila cha yena Yehova, ha kakundukundu ka mwiku wa mu mazulu je.

Miaso (Masamu) 18:8

Mwishi wakatukile ku mazulu jenyi, kahia ka ku kanwa lienyi kalesele, kakuyila ni makala a kahia.

Kutuhuka 19:18

Mulundu weswe wa Sinai te unatuhwisa mwishi mumu Yehova te hahulumukinaho mu kahia. Mwishi wawo yiwanduka ngwe mwishi wa ku lutengo. Mulundu weswe yiunyika chikolo.

Kutuhuka 24:17

Kusoloka cha uhenya wa Yehova chapwile ngwe kahia ka kulalisa ha mbulwa mulundu kumeso ja A-Izalele.

Izaya 30:27

Jina lia Yehova Unakatuka kusuku nikuyila ni kahia ka utenu wenyi ni mwishi ulá pwi unafwinjiko. Mivumbo yenyi yinazala ni ufwatulo, limi lienyi linapu ngwe kahia ka kulalisa.

Izaya 30:33

Mumu jiko hanalilulika kulu, hali mwe mwanangana hanalilulika; mulumba wacho kutoha ni kusuha ni kahia ni kunyi ja kulumbama. Mba mwiku wa Yehova muuliwika ngwe muhwiji wa fundanga.

Jeremia 15:14

Mungukutuma kulingila akwa kole jenu mu chifuchi kunwachinyingikine, mumu mu utenu wami hinawika kahia, mukalekwoka miaka yeswe.

Jeremia 5:14

Kashika Yehova, Zambi-ya-Tujita kanambe ngwenyi, Mumu o hanambe liji lino ami ngunapwisa maliji jami kahia mu kanwa lie, ni wano atu mapwa kunyi, ni kahia kumukaanongesa.

Habakuke 3:5

Kulutwe lienyi kwayile chilungo; misongo ya kulukumuka yamukawile kunyima.

Shimbi 32:22

Mumu mu utenu wami hinawika kahia kukanalengenya ndo ku mashima a Shiole. Kukanalese hashi ni mbuto yaho. Kukanachocheka fundamentu ya milundu.

Hebreu 12:29

Mumu Zambi yetu iye kahia kakulalisa.