2 Samuel 22:44 - MUKANDA USANDU WA ZAMBI 1975

⁴⁴ Wangupulwile nawa ku kulitachika cha atu jami, hiwangupwisa mukwa lutwe hakachi ka mavungu. Atu waze te chaanyingikine kumanguvumbika.

Mukanda Wa Zambi 1970

⁴⁴ Hiunangulamwina kuli atu jami waze ungukatukila, hiunangukolesa kuyula mavungu; atu waze te Chanyingikine haabwa enya chifuchi.

2 Samuel 22:44 Iomraidhean Croise

2 Samuel 19:14

Yazeyesa mbunge ja malunga eswe a mu Yunda ngwe mbunge ya mutu umuwika. O yatuma kuli mwanangana ngwo, Hilukenu, ni yenu ni tuvumbi twenu eswe.

2 Samuel 19:9

Mba kwapwile kulitachika hakachi ka minyachi ya A-Izalele ngwo, Mwanangana watupulwile ku tachi ja akwa kole jetu; yatulamwina kuli A-Filistea; haliapwila hachina chifuchi mumu hali Absalome.

2 Samuel 20:22

Pwo wayile kuli atu eswe ni mana jenyi, mba O atapile mutwe wa Shipa mwana Mbikiri, yaukonga kuli Joabe. Aye yahumuna chitavwi; atu eswe amwanganyine ku chihunda, mutu mweswe ku zuwo lienyi. Joabe yahiluka yeza ku Yerusaleme kuli mwanangana.

2 Samuel 3:1

Jita yapwile ya miaka hakachi ka munyachi wa Saulu ni munyachi wa David. David wayile nikuliwezela tachi, alioze munyachi wa Saulu wayile nikukokoloka.

2 Samuel 5:1

Minyachi yeswe ya A-Izalele yeza kuli David ku Heprone ngwo, Etu tuli chifwaha chenu ni musunya wenu.

Miaso (Masamu) 110:6

Kumakapatula hakachi ka mavungu. Makazalisamo ni mijimba ya afu. Kumakalokola mitwe mu yifuchi yinene.

Miaso (Masamu) 18:43

Wangupulwile ku kulitachika cha atu. Hiwangupwisa ngwe mutwe wa mavungu. Vungu limwe chaanyingikine kumanguvumbika.

Miaso (Masamu) 2:8

Eta kuli yami mba mungukwaha mavungu ha chihinga; mungukwaha masongo a hashi ukaapite.

Izaya 55:4

Namupwishile chela ku mavungu; kasongo ni kapitau ka minyachi.

Izaya 55:5

Muwiza kutambika mavungu kwanyingikine, ni mavungu kakunyingikine makazomboka kuli yena, ha mukunda wa Yehova Zambi ye, mwe Musandu wa Izalele, mumu hanakwehe uhenya.

Izaya 60:12

Mumu munyachi hanji wanangana wa waze kanuvumbikile kumuukakuwa. Mavungu aze kumakaonwona.

Izaya 65:1

Ami te nazangile angufupe kuli waze kahulile hali yami. Ami te nazangile anguwane kuli waze kangufupile. Ku vungu lia waze kangutambikile nambile ngwami, Yami uno, yami uno.

Daniel 7:14

Yamwaha chiyulo, ni uhenya, ni wanangana, hanga akwa mavungu eswe ni minyachi yeswe, ni malimi eswe akamulingile. Chiyulo chenyi chiyulo cha mutolo, kuchichi kahwa. Wanangana wenyi uze kuuchi kanonga.

Hosea 2:23

mba mungukamutumba hali yami mwene mu chifuchi. Mungukavwila keke Lo-Ruhama; kuli Lo-Ami mungukamba ngwami, Atu jami, mba iye makamba ngwenyi, Uli Zambi yami.

A-ROMA 15:12

Cheka nawa, Izaia kanambe ngwenyi, Kumukukapwa chikota cha Yese, ni yoze makakatuka hanga akayule mavungu; hali iye mavungu kumakatalatala.

A-ROMA 9:25

Ngwe kanambe nawa mu mukanda wa Hozea ngwenyi, Kumungukaavuluka ngwami, A tu jami, waze kapwile atu jami; ngwami, Kanamuzange chikolo, yoze te kamuzangile.

Shimbi 28:13

Yehova makanupwisa mutwe, hi muchila ko, munukapwa helu wika, kunuchi kapwa mushi, nyi munupanjika ku maliji eswe a shimbi a Yehova Zambi yenu ngunanwambe musono, ni kukanyama kwalinga.

Usolwelo 11:15

Mungelo wamuchishimbiali wembile chitavwi chenyi; kwapwile maliji anene mwilu, ngwo, Wanangana wa hano hashi hiwapwa wa Mwene wetu, ni wa Kristu yenyi: iye kumakayula ndo ku miaka yeswe ya mutolo.