2 Samuel 22:4 - MUKANDA USANDU WA ZAMBI 1975

⁴ Mungutambika kuli Yehova, yoze watela uhaliso. Chocho mungulamwina kuli akwa kole jami.

Mukanda Wa Zambi 1970

⁴ Nakutambika Mwene Zambi, kakungulamwina kuli akwa kole jami. Mwene Zambi afumane!

2 Samuel 22:4 Iomraidhean Croise

2 Sango Ja Mianangana 20:22

Mba muze o haputuka kwimba ni kuhalisa, Yehova yatuma akwa kujikinyina akalimike ni A-Amone, ni A-Moape, ni akwa mulundu wa Sere waze ejile kwasa jita ni A-Yunda, mba yaakumba.

Nehemia 9:5

Mba A-Levi, Yeshua, ni Kamiele, ni Mbani, ni Hashabania, ni Sherebia, ni Hodia, ni Shebania, ni Petahia yamba ngwo, Manenu nukafumanyise Yehova Zambi yenu chize ku miaka yeswe ndo ku miaka yeswe. Jina lie lia uhenya, lize liatunda helu lia ulemeso weswe ni uhaliso weswe, likafumane.

Miaso (Masamu) 106:2

Iya mahasa kuvuluka yilinga ya ndundo ya Yehova, hanji kusolola uhaliso wenyi?

Miaso (Masamu) 116:13

Mungwanda musenge wa ulamwino, mba mungusanyika ha jina lia Yehova.

Miaso (Masamu) 116:17

Munguhana kuli yena mulambu wa kusakwila. Mungusanyika ha jina lia Yehova.

Miaso (Masamu) 116:2

Mumu hanahetamisa twitwi lienyi kuli yami, kashika mungutambika kuli iye matangwa eswe a mwono wami.

Miaso (Masamu) 116:4

Mba natambikile ku jina lia Yehova, ngwami, Yehova, ngunaliumbu, pulula kama mwono wami.

Miaso (Masamu) 18:3

Mungutambika hali Yehova, yoze watela uhaliso. Chocho mangulamwina kuli akwa kole jami.

Miaso (Masamu) 34:6

Chiswale yono yateta, Yehova yamwivwa, yamupulula ku lamba lienyi lieswe.

Miaso (Masamu) 48:1

Yehova iye munene, amuhalise mwimbo lia Zambi yetu, ha mulundu wenyi usandu.

Miaso (Masamu) 50:15

Tambikenu kuli yami ha tangwa lia lamba. Mungukupulula, mba mukanguchichimieka.

Miaso (Masamu) 55:16

Alioze ha kutwala kuli yami, mungutambika kuli Zambi. Yehova mangulamwina.

Miaso (Masamu) 56:9

Mba akwa kole jami makahiluka kunyima tangwa lize mungutambika. Chino ngunanyingika ngwami, Zambi ha sali lia yami ali.

Miaso (Masamu) 66:2

Imbenu ulemu wa jina lienyi; uhaliso wenyi nukaupwise wa uhenya.

Miaso (Masamu) 96:4

Mumu Yehova munene, chatamba kumuhalisa chikolo. Chatamba kumuvwila woma kuhiana mazambi akwo eswe.

A-ROMA 10:13

mumu mweswawo matambika ha jina lia Mwene, kumakamulamwina.

Usolwelo 4:11

Yena kuwatela, Mwene wetu kanda Zambi yetu, kutambula uhenya ni ulemu ni tachi, mumu yena watangile yuma yeswe, ni mumu ha upale we yapwile, yatangiwile.

Usolwelo 5:12

Kanambe ni liji linene ngwo, Mwe Mwana-panga yoze hanamushihi katela kutambula tachi, ni upite, ni mana, ni ngolo, ni ulemu, ni uhenya, ni lufuma.