2 Samuel 22:3 - MUKANDA USANDU WA ZAMBI 1975

³ Zambi iye liwe liami lia tachi, muli iye munguswama. Iye lukepwe wami, ni mbinga ya ulamwino wami, ni kaposhi kami musuku, ni chiswamino chami; chilamwina chami, wakungulamwina ku upupilo.

Mukanda Wa Zambi 1970

³ Zambi yami kali liwe liami lia tachi, muli iye nakuswama. Kali lukebwe wami, mbinga ya ulamwino wami, zuwo liami lisuku liakukoleka, chiswamo chami, chilamwina chami, yoze wakungulamwina ku utoji.

2 Samuel 22:3 Iomraidhean Croise

Ubutukilo 15:1

Kulutwe lia yino yuma liji lia Yehova yiliza kuli Apalama mu usolwelo ngwo, Apalama, kanda wivwa woma, yami nguli lukepwe we, kanda nguli kwononona che chahiana.

2 Samuel 22:31

Ha kutwala kuli Zambi jila yenyi yingunu. Liji lia Yehova lia kweseka kulu, iye lukepwe wa waze aswama mul i iye.

2 Samuel 22:47

Yehova katwama ni mwono; liwe liami afumane. Zambi ya liwe lia ulamwino wami anangame.

2 Samuel 22:49

Kakungupulula kuli akwa kole jami; ewa, kakungunangamisa helu lia waze akungukatukila. Kuwakungupulula kuli mukwa kupupa.

2 Samuel 22:51

Iye kakuhana ulamwino unene kuli mwanangana wenyi; kakusolola utu wa zango lienyi kuli yoze hamuwayisa, kuli David ni ku munyachi wenyi ku miaka ya mutolo.

2 Samuel 23:3

Zambi ya Izalele wambile, Liwe lia Izalele wambile kuli yami ngwenyi, Yoze mayula atu ni ululi, mayula ni woma wa Zambi.

Miaso (Masamu) 14:6

Nwakolesele sonyi yiyulo ya akwa luyinda, alioze Yehova iye chiswamo chenyi.

Miaso (Masamu) 140:1

Yehova, ungupulule kama kuli mutu mupi. Ngufunge kama kuli mukwa upupilo,

Miaso (Masamu) 140:11

Yoze ukwete kanwa kechi kakola hano hashi. Chipi muchikahanga mukwa upupilo, chikamulimbule.

Miaso (Masamu) 140:4

Yehova, ungufunge kama ku moko ja yingulungulu. Ungufunge kama kuli mukwa upupilo, waze hanahale kupiangula shimbo jami.

Miaso (Masamu) 142:4

Tala ha chindume chami, umone kukushi niumwe yoze Unangunymgika. Uchinyino nauhona. Niumwe wanyonga mwono wami, wakuhi.

Miaso (Masamu) 144:2

Iye utu wa zango kuli yami. Iye mbonge yami, kanda kaposhi kami musuku, kanda mukwa kungupulula. Iye lukepwe wami, yoze ngunamufuliela, yoze wakuzeyesa atu jami kushi liami.

Miaso (Masamu) 18:2

Yehova iye liwe liami, ni mbonge yami, ni mukwa kungupulula; Zambi yami ni liwe liami lia tachi, muli iye munguswama. Iye lukepwe wami, ni mbinga ya ulamwino wami, ni kaposhi kami musuku.

Miaso (Masamu) 27:5

Ha tangwa lia lamba mangusweka mu mbalaka yenyi, mwe muchima lia tabernakulu yenyi mangusweka. Kumanguzundula helu ha liwe.

Miaso (Masamu) 28:7

Yehova iye tachi jami ni lukepwe wami. Mbunge yami kuyamufuliela; kangukwasa. Kashika mbunge yami yinawahilila chikolo, mungumunalisa ni mwaso wami.

Miaso (Masamu) 3:3

Alioze yena Yehova, uli lukepwe wa kungujingilika, uli ulemu wami, uli mukwa kuhetula mutwe wami.

Miaso (Masamu) 32:7

Yena uli chiswamo chami, mukangufunga ku lamba. Kumukangujingilika ni miaso ya kungupulula. (Litulike.)

Miaso (Masamu) 46:1

Zambi iye uchinyino wetu ni tachi jetu; iye katwama hehi ni yetu, chikwashi mu lamba.

Miaso (Masamu) 46:11

Yehova-wa-Tujita kwali hamwe ni yetu; Zambi ya Yakomba iye uchinyino wetu.(Litulike.) Kuli Njimba mukwa lutwe. Samu lia ana a Kora.

Miaso (Masamu) 46:2

Kashika kutuchi kwivwa woma chipwe hashi muhajimuka, chipwe milundu muyitutulukila muchima lia kalunga-lwiji.

Miaso (Masamu) 46:7

Yehova-wa-Tujita kwali hamwe ni yetu; Zambi ya Yakomba iye uchinyino wetu.(Litulike.)

Miaso (Masamu) 5:12

Mumu yena Yehova kumuwahisa mukwa ululi; kumumujingilika ni vumbi ngwe lukepwe. Kuli Njimba mukwa lutwe: ha tulialia a kusa nikulita ni Sheminite. Samu lia David.

Miaso (Masamu) 55:9

Mwene, wonwone kama. Pula limi lio, mumu hinamona upupilo ni kulitachika mu limbo.

Miaso (Masamu) 59:16

Alioze yami mungwimbila tachi je, ewa, ni liji linene mungwimbila utu wa zango lie chichamene. Mumu wapwa kaposhi kami, kanda ngwe chiswamo ha tangwa lia luyinda wami.

Miaso (Masamu) 61:3

Mumu yena kuwapwa chiswamo chami, kanda kaposhi wa tachi wa kungufunga kuli akwa kole.

Miaso (Masamu) 71:7

Napwa ngwe nguli chikomokeso kuli anji, alioze yena uli uchinyino wami wa tachi.

Miaso (Masamu) 72:14

Kumakakula mwono wo ku yihungumiona ni uswi. Manyinga jo kumapwa alemu kumeso jenyi.

Miaso (Masamu) 84:11

Mumu Yehova Zambi iye tangwa; iye lukepwe. Yehova mahana vumbi ni ulemu. Nichimwe chuma chipema mamina waze akwenda ni ululi.

Miaso (Masamu) 84:9

Zambi lukepwe wetu, tala kama; tala ha meso ja yoze wamuwayishile ni maji.

Miaso (Masamu) 86:14

Zambi, akwa kulengumuka hanangukatukila. Chikungulwila cha akwa upupilo akufupafupa mwono wami, waze kakusele yena kumeso jo.

Miaso (Masamu) 9:10

Waze ananyingika jina lie kumafuliela muli yena; mumu yena, Yehova, kushi kwehuka waze akukufupa.

Miaso (Masamu) 9:9

Yehova kumakapwa kaposhi wa kuswamina hali waze akumona yihungumiona; kumakapwa chiswamo ha matangwa a lamba.

Kutuhuka 15:2

Yehova iye tachi jami ni mwaso wami. Iye hanapu ulamwino wami. Yono mwe Zambi yami. Kumungumuhalisa yono Zambi ya tata. Kumungumunangamisa.

Yishima 18:10

Jina lia Yehova liapwa kaposhi mukolo; mukwa ululi machinyinamo mba mamufungila mwilu.

Yishima 30:5

Liji lieswe lia Zambi lipema. Iye kapwa lukepwe kuli waze anamufuliela.

Izaya 12:2

Zambi iye ulamwino wami, mungufuliela, chichi kwivwa woma; mumu Yehova, Yehova iye tachi jami ni mwaso wami. Iye hanapu ulamwino wami.

Izaya 32:2

Mba umwe mutu makapwa ngwe chiswamo ha fuji, ngwe uchinyino ha kangonga, makapwa ngwe tupila twa meya muma mumu, ngwe Chizulie cha luliwe lunene mu chifuchi cha yikatalo.

Izaya 45:21

Ambululenu chikuma chenu nukachilumbunune. Atwame punga. Yoze walwezele chuma chino kulu, iya? Yoze wachambulwilile ku miaka ya kushi, iya? Hi yami ko, Yehova? Kukushi nawa zambi mukwo shina yami mwene, Zambi ya ululi, Chilamwina; kukushi mukwo shina yami mwene.

Jeremia 16:19

Yehova, yena tachi jami ni mbonge yami, chiswamo chami ha tangwa lia lamba, kuli yena mavungu makungulukila, chize ku masongo a hashi nikwamba ngwo, Tulamba twetu kahingile nichimwe shina mahuza wika, yuma yamokomoko kuyafumbwile nichimwe.

Jeremia 16:9

Mumu Yehova-wa-Tujita Zambi ya Izalele kanambe ngwenyi, Munguteta kuma kuno kwe kumeso je, ni ha matangwa je, liji lia chiseke ni liji lia uwahililo, ni liji lia sandungi ni liji lia ndungi.

Luka 1:47

Spiritu yami hiyinalikwiza muli Zambi Chilamwina chami.

Luka 1:69

Hanasolola mbinga ya ulamwino hali yetu mu zuwo lia David kavumbi kenyi.

Luka 1:71

Hanga akatulamwine ku moko ja akwa kole jetu, ni ku moko ja waze eswe akutuvwila kole;

Shimbi 32:37

Mba mamba ngwenyi, Tuzambi two tulihitwo? Hanji liwe kuze achinyinyine?

Shimbi 32:4

Iye Liwe. Yitanga yenyi yingunu, mumu majila jenyi eswe ja ululi. Iye Zambi ya jika; keshi uhenge; mukwa pundu, mukwa umwenemwene.

Shimbi 33:29

Izalele! Kuwawaha. Iya walifwa ni yena? Uli vungu alilamwinyine kuli Yehova. Iye lukepwe wa kukukwasa. Iye katana ka kukumba che Akwa kole je kumakeza nikuliumba kuli yena mba kumukaliata ha manangamo jo.

Titu 3:4

Alioze muze utu ni kufwila cha Zambi Chilamwina chetu chasolokele,

Titu 3:6

Yoze wamuzukwile wa kulumbama hali yetu kuli Yesu Kristu Chilamwina chetu,

Hebreu 2:13

Cheka nawa kanambe ngwenyi, Mungumufuliela. Cheka nawa kanambe ngwenyi, Talenu, yami ni ana aze hanangwehe Zambi.

1 Samuel 2:1

Mba Hana walembele ngwenyi, Mbunge yami yinawahilila muli Yehova, mbinga yami yazunduka muli Yehova. Kanwa liami hiliatoha helu lia akwa kole jami, mumu ngunawahilila mu ulamwino we.

1 Samuel 2:2

Niumwe wapwa musandu ngwe Yehova, mumu mukwo wakuhi ndo yena wika. Liwe likwo liakuhi ngwe Zambi yetu.