2 Samuel 22:24 - MUKANDA USANDU WA ZAMBI 1975

²⁴ Napwile mungunu nawa kumeso jenyi, nalifungile ku uhenge wami.

Mukanda Wa Zambi 1970

²⁴ Kananyingika ngwenyi, Chishi kwami chitela, nakulifunga ku yibi.

2 Samuel 22:24 Iomraidhean Croise

Ubutukilo 17:1

Muze te Apalama kali ni makumi livwa a miaka ni miaka livwa Yehova yasoloka kuli Apalama nikwamba kuli iye ngwenyi, Yami nguli Zambi Mukwa-Ndundo-Jeswe, enda kumeso jami upwe mungunu.

Ubutukilo 6:9

Yino ye yisemuko ya Noe. Noe wapwile mukwa ululi, keshi kapalia mu chisemuko chenyi. Noe waliendelele ni Zambi.

Ubutukilo 7:1

Mba Yehova yamba kuli Noe ngwenyi, Njila mu ulungu ni yena ni akwa zuwo lie eswe, mumu nakumona yena mukwa ululi kumeso jami mu chisemuko chino.

Jobe 1:1

Kwapwile umwe lunga mu chifuchi cha Uze; jina lienyi Jo. Mwe lunga te keshi kapalia, mukwa ululi, mukwa kuvwila woma Zambi, keshi kutala ku chuma chipi.

Miaso (Masamu) 17:1

Ivwa kama chize Chinalulama, Yehova; panjika kama ku muteto wami. Ivwa kama kulemba chami kuchatuhukile ku mivumbo ya kalimbalimba.

Miaso (Masamu) 51:6

Pundu yena wakuzanga umwenemwene mu michima. Mukangulongesa mana muze mwahengama.

Miaso (Masamu) 84:11

Mumu Yehova Zambi iye tangwa; iye lukepwe. Yehova mahana vumbi ni ulemu. Nichimwe chuma chipema mamina waze akwenda ni ululi.

Yishima 4:23

Funga mbunge ye kuhiana yuma yeswe, mumu kwe kuuto ya mwono kwenako.

Yoano 1:47

Yesu wamwene Natanele kaneza kuli iye, yamba ha kutwala kuli iye ngwenyi, Talenu Ka-Izalele wamwenemwene, muli iye wakuhi kalimbalimba niumwe!

2 Korintu 5:11

Kashika se tunanyingika woma wa Mwene, twakukununa atu; alioze kanatusolola kuli Zambi; mba ngunatatatata tukalumbunuke ku mbunge jenu.

Efesu 1:4

nikulita ngwe atutongwele muli iye, shimbu te kanda asela fundamentu ya hashi, hanga tukapwe asandu, kutushi kapalia kumeso jenyi.

Kolosu 1:21

Ni yenu, se ha miaka ya kunyima nwahandunukine, nwapwile akwa kole mu kunyonga chenu mu yitanga yenu ya ungulungulu,

Kolosu 1:22

hindu haliapwila hananuwanyisa mu mujimba wa musunya ku kufwa, mukunutumbikila ku usandu, kunushi kapalia, akwa kusamba kumeso jenyi.

Hebreu 12:1

Kashika, se kanatuseleka ni mbunga yinene yipwa haha ya yela, tumbilenu milalu yeswe ni shili yize ya kutulimbalimba chashi chichize, tunyongononenu kuzombokela jila yize hanase kulutwe lietu.