2 Samuel 22:21 - MUKANDA USANDU WA ZAMBI 1975

²¹ Yehova wangwononwene nikulita ni ululi wami; wangufwetele nikulita ni kupema cha moko jami.

Mukanda Wa Zambi 1970

²¹ Mwene Zambi kakungukundulula mumu nakulinga yize yinalite, kakunguwahisa mumu Chishi kwami chitela.

2 Samuel 22:21 Iomraidhean Croise

2 Samuel 22:25

Kashika Yehova hanangufwete nikulita ni ululi wami, nikulita ni kupema chami kumeso jenyi.

1 Yitanga Ya Mianangana 3:6

Solomone yamba ngwenyi, Hiwalinga vumbi linji kuli tata David kavumbi ke nikulita ni kwenda chenyi mu umwenemwene, ni ululi, ni kululama cha mbunge kumeso je. Mba wamufungilile vumbi lino linji ngwami, Wamuhele mwana akatwame ha ngunja yenyi chize chapwa musono.

1 Yitanga Ya Mianangana 8:32

hipanjika yena mwilu ukalinge, ukapatwile tuvumbi twe, ukahise chivulumunyi nikuholola ndako jenyi ha mutwe wenyi. Mba sambisa mukwa ululi ukamwehe nikulita ni ululi wenyi.

Jobe 17:9

Mukwa ululi kanalikoleza mu jila yenyi; mukwa kupema ku moko kanayi nikuliwezela tachi.

Miaso (Masamu) 19:11

Kavumbi ke kakumutoweza nayo. Ha kuyilinga kuchili kwononona chinene.

Miaso (Masamu) 24:4

Yoze uli ni moko apema ni mbunge ya kulinanga. Yoze katwalile mbunge yenyi ku yuma yamokomoko; kalishingile ni mahuza.

Miaso (Masamu) 7:8

Yehova kumapatwila e atu. Ngupatwile kama Yehova nikulita ni ululi wami, nikulita ni kutuwika chami chize chili muli yami.

Yishima 11:31

Mukwa ululi mamukundulula hano hashi; mba kuhiana mafwetesa chingulungulu ni chivulumunyi!

1 Korintu 15:58

Kashika, mandumbu jami a zango, jikizenu, kanda nukokoloka, nukahiane matangwa eswe mu milimo ya Mwene, mumu te nunanyingika, kukilikita chenu hi chamokomoko ko muli Mwene.

Tiangu (Jake) 4:8

Kundamenu kuli Zambi, iye kumakakundama kuli yenu. Pemesenu moko jenu, yenu yivulumunyi; tomesenu mbunge jenu, yenu akwa mbunge jiali.

1 Samuel 26:23

Yehova akononone mutu mweswe nikulita ni ululi wenyi ni kushishika chenyi, mumu Yehova wanukunjikanga kuli yami musono hindu cholwele kwoko liami kulimika ni yoze amuwayishile kuli Yehova.