2 Samuel 22:20 - MUKANDA USANDU WA ZAMBI 1975

²⁰ Wangutuhwishile ndo ku chihela chinene nawa. Wangupulwile mumu wawahililile muli yami.

Mukanda Wa Zambi 1970

²⁰ Yangutuhwisa, yangusa ha toma, yangulamwina mumu te kakuwahilila ni yami.

2 Samuel 22:20 Iomraidhean Croise

Ubutukilo 26:22

Yakatukako, yashima likwo, alioze ha lize kalitachikile. Kashika yaliluka jina ngwenyi, Rehombote, mumu ngwenyi, Yehova hanatusela chihela, mba mutwima mihuko yinji.

2 Samuel 15:26

Alioze nyi mamba ngwenyi, Chawahililile ni yena, mba yami uno akangulinge chize chamupemena.

2 Samuel 22:37

Hiwatohesa shimbo jami kushi lia yami, yiliato yami kuyasenunukine.

1 Sango Ja Mianangana 4:10

Jabeze yatambika ha jina lia Zambi ya Izalele ngwenyi, Nguwahisenu pundu ni kutohesa njiza yami. Kwoko lie likapwe hamwe ni yami ungufunge ku yipi; kanda yinguvwisa chinyengo. Mba Zambi walingile chize wechile.

Miaso (Masamu) 118:5

Mu luyinda wami natambikile kuli Yehova, mba Yehova yangukumbulula; yangusa mu muhela unene.

Miaso (Masamu) 147:11

Yehova kakuwahilila muli waze akumuvwila woma, ni muli waze akutalatala ku keke yenyi.

Miaso (Masamu) 149:4

Mumu Yehova kakuwahilila ni atu jenyi. Kumapemesa yimbovu ni ulamwino.

Miaso (Masamu) 22:8

Wafulielele Yehova ngwenyi, Mangupulula. Amupulule se wawahililile muli iye.

Miaso (Masamu) 31:8

Kuwatayijile akwa kole kungukakachila mu kwoko lio; hiwasa yiliato yami ha chihela chinene.

Miaso (Masamu) 31:9

Nguvwile kama vumbi Yehova mumu ngunapinji; liso liami linajijiminya ni chinyengo, ewa, ni mbunge yami ni mujimba wami.

Izaya 42:1

Talenu kavumbi kami yoze ngunamukundwiza, yoze wa kusakula kuli yami, mbunge yami yinawahilila muli iye. Hinamusa Spiritu yami, kumakasolola ululi kuli akwa mavungu.

Hosea 4:16

Ngwe chimbembe cha ngombe mukwa pami chocho japwa pami ja Izalele. Yehova te mahasa kwalisa ngwe mwana-panga mu ulilo unene?

Mateu 17:5

Shimbu te machihanjika, lelwa lia kutemuka liaazulaminyine Chizulie, ni liji liatuhukile mu lelwa ngwo, Yono mwe Mwanami, ngunamuzange chikolo, muli iye ngunawahilila; mwivwenu.

Mateu 27:43

Wakolelele hali Zambi; amupulule haliapwila kachi anamuzange: mumu wambile ngwenyi, Yami nguli mwe Mwana Zambi.

Mateu 3:17

Ni liji liatuhukile mu malilu ngwo, Yono mwe Mwanami, ngunamuzange chikolo, muli iye ngunawahilila.