2 Samuel 21:7 - MUKANDA USANDU WA ZAMBI 1975

⁷ Alioze mwanangana walamwinyine Mefiposhete mwana Jonatas mwana Saulu mumu ha shingo lia Yehova lize liapwile hakachi ko, ngwami, hakachi ka David ni Jonatas mwana Saulu.

Mukanda Wa Zambi 1970

⁷ Alioze mumu ha chilakenyo chize alilakenyene ni Jonatane, David yachiza ko mujikulu wa Saulu, Mefiboshete, mwana wa Jonatane.

2 Samuel 21:7 Iomraidhean Croise

2 Samuel 16:4

Henaho mwanangana yamba kuli Ziba ngwenyi, Yuma yeswe yapwile ya Mefiposhete hiyalumuka ya yena. Ziba ngwenyi, Ngunafulamana kuli yenu. Ngukawane vumbi kumeso ja mwene wami mwanangana.

2 Samuel 19:25

Muze heza ku Yerusaleme kupatwiza mwanangana, mwanangana yamba kuli iye ngwenyi, Mefiposhete kuchi te kwayile ni yami?

2 Samuel 4:4

Jonatas mwana Saulu wapwile ni mwana wa lunga, chitonji ku molu jenyi. Muze lusango wa Saulu ni Jonatas ku Yezerele wejile, iye te kali ni miaka yitano, mba ndeji yenyi yamwanda, yachina. Ha kuchina kapupushi yamuholola, iye yalumuka chitonji. Jina lienyi Mefiposhete.

2 Samuel 9:1

David yamba ngwenyi, Hindu kwasala umwe a ku munyachi wa Saulu hanga ngumulinge vumbi mumu hali Jonatas nyi?

2 Samuel 9:10

Yena mukamulimina ye minda hamuwika ni ana je ni ngambaje. Munukakunga mbuto hanga mwana wa mwata we akapwe ni kulia. Alioze Mefiposhete mwana wa mwata we makalia ku mesa yami matangwa eswe. Ziba te kali ni kumi lia ana a malunga ni ana a malunga atano, ni makumi aali a ngamba.

2 Samuel 9:6

Mefiposhete, mwana Jonatas, mwana Saulu, yeza kuli David, yafulamana hashi, yamuwayila. David yamba ngwenyi, Mefiposhete. Iye yakumbulula ngwenyi, Yami kavumbi kenu.

2 Samuel 9:7

David yamba kuli iye ngwenyi, Kanda wivwa woma, mumu pundu mungukulinga vumbi mumu hali tatenu Jonatas. Mungukwaha minda yeswe ya kakenu Saulu. Kumuolia ku mesa yami matangwa eswe.

Longeshi 8:2

Ngunakulongesa; funga shimbi ya mwanangana, mumu ha mukunda wa shingo lia Zambi.

1 Samuel 18:3

Jonatas ni David akolesele usendo mumu wamuzangile ngwe mbunge yenyi mwene.

1 Samuel 20:12

Jonatas yamba kuli David ngwenyi, Yehova Zambi ya Izalele apwe chela. Muze hineseka tata, ngwe ola yino yene hamene hanji tangwa liamuchitatu nyi kanevu kuwaha ni David, mungukulweza.

1 Samuel 20:15

Alioze kanda uteta utu we kuli akwa zuwo liami ndo ku miaka ya mutolo. Muze Yehova matetaho akwa kole eswe a David hano hashi

1 Samuel 20:17

Jonatas yashingisa David nawa ha zango lienyi mumu wamuzangile chizechene ngwe wazangile mwono wenyi mwene.

1 Samuel 20:42

Jonatas yamba kuli David ngwenyi, Uye kanawa, se etu eswe ni aali hitwalishinga ni jina lia Yehova ngwetu, Yehova mapwa hakachi ka yami ni yena ni hakachi ka chisemuko cha yami ni chisemuko cha yena ndo ku miaka ya mutolo. David yakatuka yaya. Jonatas wayile mu limbo.

1 Samuel 20:8

Kashika ngulingile vumbi, yami kavumbi ke mumu hiunakolesa usendo wa Yehova ni yami kavumbi ke. Alioze nyi chitela nguli nacho, ngushihe yena mwene. Kuchi te mukangutwa la kul tatenu?

1 Samuel 23:18

O aali akolesele usendo kumeso ja Yehova. David yasala mu usaki; Jonatas yaya ku mahio.

1 Samuel 24:22

David yalishinga chocho kuli Saulu. Mba Saulu yaya ku zuwo lienyi alioze David ni malunga jenyi akandukile ku mbonge yo.