2 Samuel 21:3 - MUKANDA USANDU WA ZAMBI 1975

³ David yamba kuli A-Ngibeone ngwenyi, Kuchi mungunulingila hanga ngukafuke mulonga uze, ni yenu nukawahise chihinga cha Yehova?

Mukanda Wa Zambi 1970

³ Kashika mwanangana David yatambika akwa Gibeone, yaahula ngwenyi: “Chika Changutamba kunulingila? Mumu ngunazange kuchiza yibi yize anulingile, hanga nuwahise kama atu ja Mwene Zambi.”

2 Samuel 21:3 Iomraidhean Croise

2 Samuel 20:19

Yami nguli wa kuli akwa sambukila, amwenemwene mu Izalele. Alioze ena unafupu kwonwona chihunda hamwe ni anaye mu Izalele. Kuchi te mupupa chihinga cha Yehova?

Kutuhuka 32:30

Mba ha kucha, Mose yamba kuli atu ngwenyi, Hinwavulumuna mulonga unene, haliapwila mungukanduka kuli Yehova, hanji munguhasa kufuka shili yenu.

Alevi 1:4

Mwe mutu akase kwoko lienyi ha mutwe wa mulambu wa kulumba akamusalakane, akafuke kuhona chenyi.

Yona 1:11

Yamba kuli iye ngwo, Chika mutulinga ni yena hanga kalunga-lwiji atuholele kama? Mumu te kalunga-lwiji kanaliwezela kuvunduka.

Hebreu 9:22

Nikulita ni shimbi yuma yeswe, yikepe wika yinasala, kakuyipemesa ni manyinga, ni ukonekeno wakuhi niumwe shina ha kumwanga manyinga.

1 Samuel 2:25

Nyi mutu mavulumuna mutu ni mukwo, ngaji mamupatwila. Alioze nyi mutu mavulumuna Yehova iya mamuhakwila? Hindu kapanjikile liji lia tato. Mumu te Yehova kanazange kwashiha.

1 Samuel 26:19

Kashika mwene wami mwanangana panjikenu ku maliji a yami kavumbi kenu. Nyi Yehova hananuvundula kulimika ni yami atambule mulambu. Alioze nyi malunga hachilinga akashingiwe kumeso ja Yehova mumu hananguhumu musono hanga ngukahone chihanda cha chihinga cha Yehova ngwo, Yako ukavumbike mazambi eka.