2 Samuel 21:17 - MUKANDA USANDU WA ZAMBI 1975

¹⁷ Alioze Abishai mwana wa Zeluia yamukwasa; yalamba Ka-Filistea ni kumushiha. Henaho malunga a David yalishinga ngwo, Kunuchi kwiza ni yetu ku jita nawa, kuchina hanji munujima ndeya ya Izalele.

Mukanda Wa Zambi 1970

¹⁷ Alioze mwata Abishai, mwana wa Zeruya, yeza ni kumukwasa, yalimika ni mwe mutu wataluka, yamushiha. Henaho tujita twa David yaalishinga ngwo: “Kunuchi kwiza kuya nawa ni yetu mu jita, kuchina ndeya ya Israele muyijima.”

2 Samuel 21:17 Iomraidhean Croise

1 Yitanga Ya Mianangana 11:36

Alioze kuli mwanenyi munguhana munyachi umuwika hanga kavumbi kami David akapwe ni ndeya matangwa eswe kumeso jami mu Yerusaleme chihunda chize nalitongwelelecho ngukaseko jina liami.

2 Samuel 18:3

Alioze e atu yamba ngwo, Kanda nuya, mumu nyi yetu mutuchina kechi kuchilemesa. Chipwe chihanda cha ha muchima cha yetu mutufwa kechi kuchilemesa. Alioze yenu nunalite ni kumi lia tununu twa yetu, kashika hapwa nutwame mu chihunda nukahase kutukwasa.

Miaso (Masamu) 132:17

Kwenako mungusokolokesa mbinga ya David. Hingunalulika ndeya hali yoze namuwayishile ni maji.

1 Yitanga Ya Mianangana 15:4

Ha mukunda wa David Yehova Zambi yenyi wamuhele ndeya mu Yerusaleme akaswanyise mwanenyi kulutwe lienyi nikukolesa Yerusaleme,

Yoano 5:35

Iye wapwile ndaya ya kuyila, ya kupanguka; ni yenu nwapalile ha shimbu kulikwiza mu pangu lienyi.

Miaso (Masamu) 144:10

Iye kakuhana ulamwino kuli mianangana. Iye kakupulula kavumbi kenyi David ku katana wa kulemeka.

Miaso (Masamu) 46:1

Zambi iye uchinyino wetu ni tachi jetu; iye katwama hehi ni yetu, chikwashi mu lamba.

2 Samuel 22:29

Yehova, yena uli ndeya yami; Yehova kumapangulula milima yami.

2 Samuel 22:19

Ha tangwa lia luyinda wami angulundumukinyine, alioze Yehova wapwile ujikijilo wami.

2 Samuel 14:7

Haliapwila a usoko wetu eswe hanangukatukila yami kavumbi kenu ngwo, Twehenu yoze washiha mukwo, hanga tumushihe iye mumu ha mwono wa mukwo yoze washihile. Mutushiha mwe swana nawa. Chocho majima kala lize nguli nalio, mba kechi kuhichika kuli mukwetu-lunga mukwa jina lienyi chipwe yoze mamusalakana hano hashi.

Jeremia 40:15

Mba Johanane mwana Karea yamba kuli Gedalia ku lumbu ukawo mu Mizepa ngwenyi, Ngutayize, nguye ngukashihe Ishemali mwana Netania mba niumwe machinyingika. Kuchi te makushiha? Nyi chocho malinga, A-Yunda eswe wano eswe anakungulukila kuli yena makamwanangana, mba masalila ja A-Yunda makakuwa.

2 Samuel 18:2

David yatuma e atu mu yihanda yitatu: chihanda chimuwika mu chiyulo cha Joabe, chihanda chikwo mu chiyulo cha Abishai mwana Zeluia, mwanakwo wa Joabe, ni chihanda chikwo mu chiyulo cha Itaia Ka-Ngata. Mwanangana yamba kuli atu ngwenyi, Ni yami nawa kumunguya ni yenu.