2 Samuel 21:1 - MUKANDA USANDU WA ZAMBI 1975

¹ Kwapwile kapunga ha matangwa a David miaka yitatu mwaka ha mwaka. David wahulile kuli Yehova. Yehova yamba ngwenyi, Chino chuma chapwa mumu hali Saulu ni munyachi wenyi wa kumwanga manyinga, mumu washihile A-Ngibeone.

Mukanda Wa Zambi 1970

¹ Ha matangwa ja kuyula cha mwanangana David, kwabwile zala yinji miaka yitatu. Kashika mwanangana yalemba kuli Mwene Zambi hakutwala ku zala yize. Neye yamukumbulula ngwenyi: “Chuma chino chinakatuka ku uhiso wa Saulu ni akwa jiko lienyi, mumu ashihile akwa limbo lia Gibeone.”

2 Samuel 21:1 Iomraidhean Croise

Ubutukilo 12:10

Yikupwa kapunga mu chifuchi, mba Apalama yapalumukina ku Engitu akatwameko njize mumu kapunga te mukalu mu chifuchi.

Ubutukilo 26:1

Kwapwile kapunga mu chifuchi helu lia kapunga yoze mutangu wa mu matangwa a Apalahama. Kashika Izake wayile kuli Apimeleke mwanangana wa A-Filistea mu Ngerare.

Ubutukilo 41:57

Akwa yifuchi yeswe ejile kuli José mu Engitu akalande mbuto mumu kapunga wapwile mukalu hashi heswe.

Ubutukilo 42:5

Mba ana ja Izalele yapalumuka hamwe ni waze ayile mukulanda mumu kwapwile kapunga mu chifuchi cha Kanana.

Ubutukilo 43:1

Alioze kapunga wapwile mukalu mu chifuchi.

2 Samuel 16:8

Yehova hanakuhilwisa manyinga eswe a munyachi wa Saulu yoze unasalakana mu wanangana. Yehova hahana wanangana kuli mwané Absalome, ni yena hiwakwachika mu uhuka we, mumu uli lunga wa manyinga.

2 Samuel 20:26

Ira iye Ka-Njaire wapwile sasendote wa David.

2 Samuel 21:5

O yamba kuli mwanangana ngwo, Mutu yoze watwonwene nikututakila chipi akatunongese mweswe mu manjiza ja Izalele,

2 Samuel 24:1

Kulutwe nawa utenu wa Yehova wakasumukine hali A-Izalele mba wasa ngumwine David kwalinga chipi ngwenyi, Yako Ualule A-Izalele ni A-Yunda.

2 Samuel 5:19

David yahula Yehova ngwenyi, Ngukanduke ngukase jita ni A-Filistea nyi? Muakunjika kuli yami, nyi? Yehova yamba kuli David ngwenyi, Kanduka, mumu pundu mungukunjika A-Filistea kuli yena.

2 Samuel 5:23

Muze David hahula Yehova, iye yamba ngwenyi, Kanda ukanduka. Jingila kunyima yo ukaawane hatalanganyi ni mitondo ya amora.

1 Yitanga Ya Mianangana 17:1

Eliya Ka-Tishibe wa hakachi ka njize ja mu Ngiliate yamba kuli Ahabe ngwenyi, Ni mwono wa Yehova Zambi ya Izalele yoze nakumana kumeso jenyi, kukuchi kapwa mume hanji vula ha miaka yino ndo ni liji liami.

1 Yitanga Ya Mianangana 18:2

Mba Eliya yaya asoloke kuli Ahabe, kapunga te mukalu chikolo mu Samaria.

1 MIANANGANA 6:25

Mba kwapwile kapunga munene mu Samaria. Yaaseleka ndo ndando ya mutwe wa chimbulu yapwile ya makumi nake a mbongo ja prata; ni chihanda cha ha muchima cha njongo ya pinga ja membe ndando yajo mbongo jitano ja prata.

1 MIANANGANA 8:1

Achi Elisha te hahanjika ni pwo yoze wahindwishile mwanenyi wa lunga nikumwaha mwono ngwenyi, Katuka uye ni akwa zuwo lie ukatwame kweswako mutwama, mumu Yehova hatambika kapunga, mba kumeza ha chifuchi miaka shimbiali.

Jobe 10:2

Mungwamba kuli Zambi ngwami, Kanda unguhisa lume. Ngulweze kama chize unguli nacho.

Miaso (Masamu) 27:8

Muze wambile ngwe, Fupa meso jami, mbunge yami yakumbulwile ngwami, Meso je mungufupa, Yehova.

Miaso (Masamu) 50:15

Tambikenu kuli yami ha tangwa lia lamba. Mungukupulula, mba mukanguchichimieka.

Miaso (Masamu) 91:15

Kumakangusanyika mba mungumukumbulula. Mungupwa hamwe nenyi mu lamba; mungumupulula; mungumukolesa.

Alevi 26:26

Muze mungunuhonesa kulia chize nwafuliela, kumi lia mapwo mocha mbolo jenu mu forno yimuwika. Manuzongelajo ha pezu hindu munulia kunuchi kukuta.

Kwalula 27:21

Amane kumeso ja sasendote Eleazare, iye mamuhulila ku upatwilo wa Urimi kumeso ja Yehova; ku liji lienyi o akapwe nikutuhwoka, ni ku liji lienyi akapwe nikunjilanjila, neye ni A-Izalele eswe hamwe nenyi, che chikungulwila cheswe.

Yoshua 7:1

Alioze A-Izalele avulumwine ha kutwala ku yuma yajila. Mumu Akane mwana wa Kame, mwana wa Zapati, mwana wa Zera wa ku munyachi wa Yunda wanjile yimwe ya yuma yajila. Kashika utenu wa Yehova walekwokele kuli A-Izalele.

Yoshua 9:20

Mutulinga no chino. Akatwame ni mwono kuchina ufwatulo muwiza hali yetu mumu ha shingo lize twalishingile nalio kuli ayo.

Rute 1:1

Ha matangwa muze ngaji ayulile mwapwile kapunga mu chifuchi, mba umwe lunga wa ku Mbeteleme-Yunda wayile mukutwama mu chifuchi cha Moape hamwe ni mukwo-pwo ni anenyi aali a malunga.

1 Samuel 10:22

Kashika ahulile Yehova nawa ngwo, Yono lunga hindu kwali, nyi? Yehova yakumbulula ngwenyi, Haswama hakachi ka yikwata.

1 Samuel 23:11

Malunga a Kela mangukunjika kuli iye? Saulu meza chizechene ngwe yami kavumbi ke hinevwa? Yehova Zambi ya Izalele, ngunaliumbu, ungulweze kama yami kavumbi ke. Yehova yamba ngwenyi, Kumeza.

1 Samuel 23:2

Kashika David yahula Yehova ngwenyi, Nguye ngukase jita ni A-Filistea, nyi? Yehova yamba kuli David ngwenyi, Yako ukase jita ni A-Filistea ukalamwine A-Kela.

1 Samuel 23:4

David yahula Yehova cheka nawa mba Yehova yamukumbulula ngwenyi, Katuka, palumuka ku Kela mumu mungukunjika A-Filistea kuli yena.