2 Samuel 20:7 - MUKANDA USANDU WA ZAMBI 1975

⁷ Malunga a Joabe, ni A-Cherete, ni A-Pelete ni malunga eswe a ndundo atuhukile kumuhanga. Yakatuka ku Yerusaleme akaliange Shipa mwana Mbikiri.

Mukanda Wa Zambi 1970

⁷ Kashika tujita twa Joabe, ni akwa kufunga mwanangana, ni tujita akwo eswe yaatuhuka mu Yerusaleme hamwe ni mwata Abishai, yaaya ni kuhanga Sheba.

2 Samuel 20:7 Iomraidhean Croise

2 Samuel 15:18

Tuvumbi twenyi eswe yamupalika ku lumbu. Ni A-Cherete, ni A-Pelete, ni A-Ngata eswe, kulakaji asambano a malunga akatukile ku Ngata nikumukaula. Yapalika kumeso ja mwanangana.

2 Samuel 20:23

Joabe wapwile helu lia tujita eswe a Izalele. Benaia mwana Jehoiada wapwile helu lia A-Cherete ni A-Pelete.

2 Samuel 8:16

Joabe mwana Zeluia wapwile kapitau ka tujita eswe. Yehosofate mwana Ahilude wapwile mukwa kusoneka yuma ya wanangana.

2 Samuel 8:18

Benaia mwana Jehoiada wayulile A-Cherete ni A-Pelete. Ana a David a malunga apwile asasendote.

1 Yitanga Ya Mianangana 1:33

Mwanangana yamba kuli ayo ngwenyi, Twalenu tuvumbi twa mwene wenu nukendese mwanami Solomone ha mula wa yami mwene akamupalumwise ku Ngehone.

1 Yitanga Ya Mianangana 1:38

Chocho sasendote Zadoke, ni profeta Natane ni Benaia mwana Jehoiada hamwe ni A-Cherete ni A-Pelete yaya yendesa Solomone ha mula wa mwanangana David, yamutwala ku Ngehone.

1 Yitanga Ya Mianangana 1:44

Mwanangana hatuma hamwe nenyi sasendote Zadoke, ni profeta Natane, ni Benaia mwana Jehoiada ni A-Cherete ni A-Pelete no hamwendesa ha mula wa mwanangana.

1 Samuel 30:14

Twanehene jita ku Negeve ya A-Cherete, ni ya A-Yunda, ni ku Negeve ya Kalemba. Twochele Zikalage ni kahia.