2 Samuel 20:6 - MUKANDA USANDU WA ZAMBI 1975

⁶ David yamba kuli Abishai ngwenyi, Haliapwila Shipa mwana Mbikiri matupinjisa kuhiana Absalome. Anda atu ja mwene we ukamuhange kuchina manjila mu yihunda ya kukolesa ni yipanga, akomboke kumeso jetu.

Mukanda Wa Zambi 1970

⁶ Mba mwanangana yambila nawa mwata Abishai ngwenyi: “Tala, Sheba kumatubinjisa kuhiana Absalome. Anda tujita twami hanga numukaule. Nyi ka, kumanjila mu amwe membo akukoleka ni kutuchina.”

2 Samuel 20:6 Iomraidhean Croise

2 Samuel 10:14

Muze A-Amone amwene ngwo, A-Seria hachina, no nawa yachina kumeso ja Abishai, yanjila mu chihunda. Mba Joabe yahichika A-Amone, yahiluka ku Yerusaleme.

2 Samuel 11:11

Uriya yamba kuli David ngwenyi, We mushete, ni A-Izalele, ni A-Yunda, eswe mu yisakila anapombo. Ni mwene wami Joabe ni atu eswe a mwene wami hanase yilombo yo mu yambu, mba yami te munguya ku zuwo liami mukulia ni kunwa ni kupomba ni pwo liami nyi? Ni mwono wenu, ni mwono wa mbunge yenu, chichi kuchilinga.

2 Samuel 18:12

Lunga yamba kuli Joabe ngwenyi, Chipwe mangwaha kanunu ka mbongo ja prata mu kwoko, hindu chichi kwolola kwoko liami kulimika ni mwana wa mwanangana. Mumu mwe mu matwi jetu mwanangana wanwambanga yenu ni Abishai ni Itaia ngwenyi, Nukanyame, niumwe kanda alinga chimwe kuli mukweze Absalome.

2 Samuel 18:2

David yatuma e atu mu yihanda yitatu: chihanda chimuwika mu chiyulo cha Joabe, chihanda chikwo mu chiyulo cha Abishai mwana Zeluia, mwanakwo wa Joabe, ni chihanda chikwo mu chiyulo cha Itaia Ka-Ngata. Mwanangana yamba kuli atu ngwenyi, Ni yami nawa kumunguya ni yenu.

2 Samuel 19:7

Kashika katukenu nutuhuke nuhanjike ni vumbi kuli tuvumbi twenu, mumu ngunanwambulwila pundu ni jina lia Yehova nyi kunuchi kutuhuka, chipwe lunga umuwika kunuchi kupwa nenyi ha ufuku uno. Mba muchihiana kupiha; yipi yize yeswe yanuwana chize ku ukweze ndo haliapwila muyipwa ngwe yamokomoko.

2 Samuel 2:18

Acho e ana atatu a malunga a Zeluia apwileko, Joabe, ni Abishai, ni Asahele. Asahele aye kuzomboka chenyi chapwile ngwe cha kai.

2 Samuel 21:17

Alioze Abishai mwana wa Zeluia yamukwasa; yalamba Ka-Filistea ni kumushiha. Henaho malunga a David yalishinga ngwo, Kunuchi kwiza ni yetu ku jita nawa, kuchina hanji munujima ndeya ya Izalele.

2 Samuel 23:18

Abishai mwanakwo wa Joabe mwana Zeluia iye wapwile mukwa lutwe hakachi ka atatu. Iye wazundwile kunga lienyi kulimika ni kulakaji atatu. Yaashiha. Kashika wapwile ni lufuma hakachi ka atatu.

2 Samuel 3:30

Chocho Joabe ni mwanakwo Abishai yashiha Abenere mumu te iye hashiha mwanakwo Asahele mu jita ku Ngibeone.

2 Samuel 3:39

Ni yami hinalela musono, chipwe nguli mwanangana wa kuwayisa ni maji. Wano malunga ana ja Zeluia angukalila naye. Yehova akafwetese mwe chingulungulu nikulita ni ungulungulu wenyi.

1 Yitanga Ya Mianangana 1:33

Mwanangana yamba kuli ayo ngwenyi, Twalenu tuvumbi twa mwene wenu nukendese mwanami Solomone ha mula wa yami mwene akamupalumwise ku Ngehone.

1 Sango Ja Mianangana 11:20

Abishai mwanakwo wa Joabe iye wapwile mukwa lutwe hakachi ka atatu. Iye wazundwile kunga henyi kulimika ni kulakaji atatu. Yaashiha. Kashika wapwile ni lufuma hakachi ka atatu.

1 Sango Ja Mianangana 18:12

Abishai, mwana Zeluia washihile kumi lia tununu ni tununu nake A-Endome mu Chikulo cha Mungwa.

Jeremia 8:14

Kuchi te tunatwama chizechene? Kungulukenu, tuye ku yihunda ya kukolesa tukakuweko; mumu Yehova Zambi yetu hanatufunjikila kukuwa; hanatwehe meya a kasashisa tukanwe, mumu hitunavulumuna Yehova.

Marku 3:24

Nyi kachi wanangana muuli handununa wene, wanangana uze kuushi kuhasa kukola.

1 Samuel 26:6

David yamba kuli Ahimeleke Ka-Hete, ni kuli mwanakwo wa Joabe, Abishai mwana wa Zeluia ngwenyi, Iya maya hamwe ni yami ku chilombo cha Saulu? Abishai ngwenyi, Munguya yami.