2 Samuel 20:11 - MUKANDA USANDU WA ZAMBI 1975

¹¹ Umwe mukweze wa Joabe kanamanako yamba ngwenyi, Mweswe kanazange Joabe ni mweswe mukwa David akaule Joabe.

Mukanda Wa Zambi 1970

¹¹ Umwe wa kuli tujita twa Joabe yamana hehi ni Amasa nikukololoka ngwenyi: “Mutu mweswe yoze unazange mwata Joabe ni mwanangana David, akaule mwata Joabe!”

2 Samuel 20:11 Iomraidhean Croise

2 Samuel 20:12

Amasa te kanapombo nikulitunya mu manyinga jenyi hakachi ka tapalo. Mba muze mwe lunga hamona atu eswe kanamanako, yachiza Amasa mu tapalo yamusa mu yambu hikumufuka ni hina mumu wamwene atu eswe ha kuhetako yamana.

2 Samuel 20:13

Muze hamuchiza mu tapalo atu eswe yaya nikukaula Joabe akaliange Shipa mwana Mbikiri.

2 Samuel 20:21

Chikuma kuchapwile chocho. Alioze umwe lunga wa ku milundu ya Eframe, jina lienyi Shipa, mwana Mbikiri, hanazundula kwoko lienyi lia kulimika ni mwe mwanangana David, twehenuye mba mungukatuka ku chihunda. Pwo yamba kuli Joabe ngwenyi, Makukongela mutwe wenyi helu lia chipanga.

2 Samuel 20:4

Mba mwanangana yamba kuli Amasa ngwenyi, Ungusanyikine malunga a Yunda akaswile kuno, ni matangwa atatu kanda ahwa. Ni yena ukapweko.

1 MIANANGANA 9:32

Jehu yahetuka, yatala ku njanela ngwenyi, Iya uli hamwe ni yami? Iya? Amwe aali hanji atatu ja aunuku yatala kuli iye.