2 Samuel 20:1 - MUKANDA USANDU WA ZAMBI 1975

¹ Kwapwileko umwe lunga wamokomoko, jina lienyi Shipa, mwana Mbi kiri Ka-Mbenjamine. Iye yahumuna chitavwi ngwenyi, Etu kutushi chihanda muli David, chipwe chihinga kutushi nacho muli mwana Yese. Kashika enu malunga a Izalele yénu ku mazuwo jenu.

Mukanda Wa Zambi 1970

¹ Yikubwa umwe mutu wamokomoko wa ku limbo lia Gilgale, jina lienyi Sheba, mwana wa Bikri wa ku vungu lia Benjamine. Yemba chitavwi, yakololoka ngwenyi: “Yetu ni David kukwahwa! Kutuchi kukaula mwana wa Jese! Yenu Aisraele, tuyenu ku mahietu!”

2 Samuel 20:1 Iomraidhean Croise

Ubutukilo 46:21

Ana ja Mbenjamine wano; Mbela, ni Mbechi, ni Asembele, ni Ngera, ni Naamane, ni Ehi, ni Roshe, ni Mupine, ni Hupimi, ni Arande.

2 Samuel 15:10

Alioze Absalome yatuma ngendeshi ndusu mu minyachi yeswe ya Izalele ngwenyi, Ha kwivwa liji lia chitavwi mba munwamba ngwenu, Absalome iye mwanangana mu Heprone.

2 Samuel 16:11

David yamba kuli Abishai ni kuli tuvumbi twenyi eswe ngwenyi, Mwanami yoze wasemukine ku mujimba wami kanafupu kungushiha. Mba yono Ka-Mbenjamine aye, ngwami, mahiana. Mwechenu atuke, mumu Yehova hamutuminacho.

2 Samuel 16:7

Shimei yatukatuka David ngwenyi, Katukako! Katukako! Ena lunga wa manyinga; lunga wamokomoko.

2 Samuel 18:17

O yanda Absalome, yamumbila mu wina umwe unene mu usaki, yamulumbika mulumba unene chikolo wa mawe, mba A-Izalele eswe yachinyina mutu ku zuwo lienyi, mutu ku zuwo lienyi.

2 Samuel 20:2

Chocho malunga eswe a Izalele alitwaminyine kukaula David, yakaula Shipa mwana Mbikiri. Alioze malunga a Yunda yalalaminya kuli mwanangana wo chize ku Yordau ndo ku Yerusaleme.

2 Samuel 20:22

Pwo wayile kuli atu eswe ni mana jenyi, mba O atapile mutwe wa Shipa mwana Mbikiri, yaukonga kuli Joabe. Aye yahumuna chitavwi; atu eswe amwanganyine ku chihunda, mutu mweswe ku zuwo lienyi. Joabe yahiluka yeza ku Yerusaleme kuli mwanangana.

2 Samuel 23:6

Alioze atu amokomoko kumakapwa eswe ngwe mbimbo ja kuchinda kuli mutu, mumu kechi kuhasa kujikwata ni moko.

1 Yitanga Ya Mianangana 12:16

Muze A-Izalele eswe amwene ngwo, Mwanangana kapanjikile o yakumbulula mwanangana ngwo, Te chihanda tuli nacho muli David nyi? Kutushi chihinga muli mwe mwana Yese. A-Izalele yénu ku mazuwo jenu, ni yena David hitala ku yuma ya zuwo lia yena mwene. Kashika A-Izalele ayile ku mazuwo jo.

1 Yitanga Ya Mianangana 21:10

Mba Selenu malunga aali amokomoko kumeso jenyi akamushindakenye ngwo, Ena washililikile Zambi ni mwanangana. Mba munumutwala haze numwase mawe akafwe.

2 Sango Ja Mianangana 10:16

Muze A-Izalele eswe amwene mwanangana kaapanjikile, akumbulwile mwanangana ngwo, Te chihanda tuli nacho muli David? Kutushi chihinga muli mwe mwana Yese. A-Izalele, yénu ku mazuwo jenu! Ni yena David hitala ku yuma ya zuwo lia yena mwene. Chocho A-Izalele eswe yaya ku mazuwo jo.

2 Sango Ja Mianangana 10:6

Mwanangana Rehoboame yafupa mana kuli makulwana aze amanyine kumeso ja tato Solomone shimbu achili ni mwono, ngwenyi, Ngwehenu mana ngukakumbulule wano atu.

Miaso (Masamu) 17:13

Katuka kama Yehova! Umulimune, umunungwine hashi. Pulula kama mbunge yami kuli chingulungulu ni katana ke.

Miaso (Masamu) 34:19

Mukwa ululi luyinda munji akwete, alioze Yehova kakumupulula ku luyinda wenyi mweswe.

Yishima 25:8

Kanda ulipupula kutuhuka kulitachika kuchina hanji ku songo liacho kuchi kunyingika chize mulinga muze mukwenu hakukolesa sonyi.

Yishima 26:21

Ngwe manungu ha makala a kahia ni kunyi ha jiko, chocho apwa mukwa kulitachika kuvundula ndombo.

Marku 3:24

Nyi kachi wanangana muuli handununa wene, wanangana uze kuushi kuhasa kukola.

Luka 19:14

Alioze enya chifuchi chenyi amuvwilile kole, atumine tunganda kunyima yenyi, ngwo, Kutusolo yono kutuyula.

Luka 19:27

Alioze wano akwa kole jami, waze kazangile yami ngwayule, anehenu kuno, nwashihe kumeso jami.

Yoano 13:8

Petulu yamba kuli iye ngwenyi, Kuchi kasanyisa yihato yami nilimwe tangwa. Yesu wamukumbulwile ngwenyi, Nyi chakusanyishine, kachi yena kushi chihanda ni yami.

Shimbi 13:13

Malunga amwe amokomoko hatuhuka mukachi kenu, hakondolola akwa limbo lio ngwo, Tatuyenu, tuvumbike tuzambi tweka, kunwatunyingikine,

Akwa Kuyula 19:22

Shimbu machiwahisa mbunge jo malunga a chihunda, atu amokomoko, aselekele zuwo nikungongwela ha pito nikwamba kuli mukulwana, mwata wa zuwo, ngwo, Lunga yoze wezanga ku zuwo lie, mutuhwise haze tukapombe nenyi.

Akwa Kuyula 3:27

Muze haheta yemba chitavwi mu chifuchi cha Eframe ku milundu, mba A-Izalele akatukile ku chifuchi cha milundu hamwe nenyi, iye te kanaatetekela.

Rute 2:3

Kashika yakatuka yaya nikuhuhujola mu munda kunyima lia akwa kucha mbuto. Yapwila chipwilila mu munda wa Mboaze usoko wa Elimeleke.

1 Samuel 13:2

Mba Saulu walisakwilile tununu atatu a malunga A-Izalele. Tununu aali atwamine hamwe ni Saulu ku Mikimashi ni ku mulundu wa Mbetele, ni kanunu umuwika atwamine hamwe ni Jonatas mu Ngibia ya Mbenjamine. Atu akwo eswe waatumine mutu mweswe ku mbalaka yenyi.

1 Samuel 2:12

Ana ja Eli o apwile atu amokomoko. Kanyingikine Yehova.

1 Samuel 30:22

Henaho yingulungulu ni atu amokomoko hakachi ka waze ayile ni David yamba ngwo, Upite uno hitwahilwisa kutuchi kuuhana kuli wano se kayile hamwe ni yetu. Mutu mweswe manda pwo lienyi ni ana jenyi aye kwenyi; kunahu.