2 Samuel 2:4 - MUKANDA USANDU WA ZAMBI 1975

⁴ Malunga a Yunda yeza, yawayisa David ni maji akapwe mwanangana wa munyachi wa Yunda. Muze alwezele David ngwo, Waze afunjile Saulu malunga a Njabeshe-Ngiliate,

Mukanda Wa Zambi 1970

⁴ Mba malunga a mu Yuda yeeza ku Hebrone, yaawayisa David maji hanga abwe mwanangana mu Yuda. Muze David hevwa ngwo, akwa Ajabeshe a mu chifuchi cha Gileade haafunda mwanangana Saulu,

2 Samuel 2:4 Iomraidhean Croise

2 Samuel 19:11

Mwanangana David yatuma kuli Zadoke ni Abiatare asasendote ngwenyi, Hanjikenu ni makulwana ja A-Yunda ngwenu, Kuchi te nuli asula kuhilwisa mwanangana ku zuwo lienyi? Se liji lia A-Izalele eswe hiliaheta kuli mwanangana kumuneha ku zuwo lienyi.

2 Samuel 19:42

Malunga eswe a Yunda yakumbulula kuli malunga a Izalele ngwo, Mumu mwanangana iye usoko wa ha muchima kuli yetu. Kuchi te nunatenuka ha chikuma chino? Te hitwalia upite wa mwanangana? Hanji hatwaha yimwe yawana nyi?

2 Samuel 2:11

Shimbu lize lia David kupwa mwanangana wa munyachi wa A-Yunda mu Heprone liapwile lia miaka shimbiali ni tukweji asambano.

2 Samuel 2:7

Kashika moko jenu atakame; hamukenu. Mumu mwene wenu Saulu hanafu, ni akwa munyachi wa Yunda hananguwayisa ni maji ngukapwe mwanangana wo.

2 Samuel 21:11

Yalweza David chize Rizipa mwana Aya, *konkubina ya Saulu, halinga.

2 Samuel 21:12

David yaya, yatambula yifwaha ya Saulu ni yifwaha ya mwanenyi Jonatas kuli malunga a Njabeshe-Ngiliate, mumu o te hayiya mu tapalo lia Mbete-Shane kuze A-Filistea yaasukika ha tangwa lize A-Filistea ashihile Saulu mu Ngilboa.

2 Samuel 5:17

Muze A-Filistea hevwa ngwo, Hanawayisa David mwanangana wa A-Izalele, A-Filistea eswe akandukile nikufupa David. Alioze David yachivwa, yapalumuka ku chivwenge.

2 Samuel 5:3

Chocho makulwana eswe a Izalele yeza kuli mwanangana mu Heprone, mba mwanangana David yakolesa no usendo kumeso ja Yehova mu Heprone. No awayishile David mwanangana wa Izalele.

2 Samuel 5:5

Mu Heprone wayulile A-Yunda miaka shimbiali ni tukweji asa-mbano, mba mu Yerusaleme wayulile eswe A-Izalele ni A-Yunda makumi atatu a miaka ni miaka yitatu.

1 MIANANGANA 11:12

Mba yatuhwisa mwana wa mwanangana; yamusa chipangula; yamukunjika ye Shindakenyo. Yamupwisa mwanangana; yamuwayisa ni maji, mba yasakwila koshi nikwamba ngwo, Vulie mwanangana!

1 Sango Ja Mianangana 10:11

Alioze muze A-Njabeshe-Ngiliate hevwa chize cheswe A-Filistea alinga kuli Saulu,

1 Sango Ja Mianangana 11:3

Chocho makulwana eswe a Izalele yeza kuli mwanangana mu Heprone, mba David yakolesa no usendo kumeso ja Yehova mu Heprone. No awayishile David mwanangana wa Izalele nikulita ni liji lia Yehova kuli Samuel.

1 Sango Ja Mianangana 12:23

Kwalula cha akwa lutwe ja waze apwile ni yitwa ya jita ejile kuli David mu Heprone akalumune wanangana wa Saulu kuli iye nikulita ni liji lia Yehova.

1 Samuel 16:13

Samuel yanda mbinga ya maji yamuwayisa hakachi ka ayayo. Mba Spiritu ya Yehova yeza ni tachi hali David chize ku tangwa lize. Samuel yakatuka yaya ku Rama.