2 Samuel 2:26 - MUKANDA USANDU WA ZAMBI 1975

²⁶ Henaho Abenere yatambika kuli Joabe ngwenyi, Katana makanongesa atu ndo ku miaka yeswe, nyi? Kwanyingikine songo mulipwa Usasu? Tangwa lika mutuma atu je akalitwamine kuhanga usoko wo?

Mukanda Wa Zambi 1970

²⁶ Mwata Abnere yakololoka kuli mwata Joabe ngwenyi: “Kuma twase lume jita ndoo ku miaka yeswe, nyi? Kunwanyingikine ngwenu, ku songo lia jita mutulikokela kole, nyi? Tuli usoko wenu. Yika unashimbwila ha kukanjisa atu je ha kulitwamina kutuhanga?”

2 Samuel 2:26 Iomraidhean Croise

2 Samuel 11:25

Mba David yamba kuli kanganda ngwenyi, Amba kuli Joabe ngwe, Chuma chino kanda chikupihila, mumu katana kakulia hanji au hanji mukwo. Kolesa jita ku chihunda ukachipupe. Ni yena umutakamise nawa.

2 Samuel 2:14

Abenere yamba kuli Joabe ngwenyi, Akweze akatuke, ahehe kumeso jetu. Joabe ngwenyi, Akatuke.

2 Samuel 2:16

Mutu mweswe yakwata mukwo ku mutwe, yanjisa katana kenyi mu lumbu lia yoze analitachika nenyi. Chocho yalimbuka hashi hamuwika. Kashika yaluka kuma kuze ngwo, Helekata-hazurime, chili ku Ngibeone.

2 Samuel 2:25

A-Mbenjamine yakungulukila kunyima ya Abenere yamana mbunga yimuwika helu lia mulundu.

2 Samuel 2:27

Joabe yamba ngwenyi, Ni mwono wa Zambi nyi kwahanjikile kachi niumwe kechi kulitwamina kuhanga akwo ndo chimene.

Jobe 18:2

Shimbu lika mufupafupa maliji? Zewula, mba yetu mutuhanjika.

Jobe 19:2

Ndo mwiji muka munungupinjisa, ni kungupalwola ni maliji?

Miaso (Masamu) 4:2

Enu ana ja atu ndo mwiji muka munwalumuna ulemu wami ukapwe sonyi? Ndo mwiji muka munuzanga kulenga chamokomoko nikufupa mahuza?(Litulike.)

Yishima 17:14

Kuputuka cha ndombo chapwa ngwe muze majikula meya; kashika litwamine kuhamika shimbu kanda achiputuka kuzwela.

Izaya 1:20

alioze nyi munukwata pami ni kukolema, munukanonga ni katana, mumu kanwa lia Yehova hilinahanjika.

Jeremia 12:12

Akwa kupunda haneza ha milundu yeswe ya hululu mu puya, mumu katana ka Yehova kakuwumbula, chize ku songo limwe lia chifuchi ndo ku songo likwo lia chifuchi; niumwe mutu kali ni sambukila.

Jeremia 2:30

Hinalamba ana jenu alioze chamokomoko, mumu katambwile kufumba nichimwe. Katana ka yenwene wonwene aprofeta jenu ngwe ndumba mukwa kupapulula.

Jeremia 4:21

Ndo mwiji muka mungumona mbandeira ni kwivwa liji lia chitavwi?

Jeremia 46:10

Tangwa lize, tangwa lia Mwene Yehova-wa-Tujita, tangwa lia kukala milonga; akakale milonga hali akwa kole jenyi. Katana makonwona ndo kukuta; makanwa ni kukuta ni manyinga jo. Mumu Mwene Yehova-wa-Tujita kanalingi yitapo mu chifuchi cha ku Norte, kwe ku lwiji Ufrateze.

Jeremia 46:14

Amba mu Engitu, tambika mu Mingondole; tambika mu Nofe ni mu Tafane; Amba ngwe, Manenu kanawa nulilulike, mumu katana makakuwisa kweswe kwa kunujingilika. Apise, kuchi te hachina?

Hosea 11:6

Katana makatenukina yihunda yo, nikumanununa njalo ja mapito jo ja yihunda, nikwaonwona mu mbonge jo.

Yilinga 7:26

Ha tangwa likwo, wasolokele kuli ayo shimbu machizwela, wafupile kwawanyisa ni sambukila ngwenyi, Malunga, yenu nuli mandumbu; ika te nunalilingi chipi?