2 Samuel 2:18 - MUKANDA USANDU WA ZAMBI 1975

¹⁸ Acho e ana atatu a malunga a Zeluia apwileko, Joabe, ni Abishai, ni Asahele. Asahele aye kuzomboka chenyi chapwile ngwe cha kai.

Mukanda Wa Zambi 1970

¹⁸ Kwabwile malunga atatu, naye te Zeruya: Joabe ni Abishai ni Asahele. Asahele te kakuzomboka ngwe kai,

2 Samuel 2:18 Iomraidhean Croise

2 Samuel 1:23

Saulu ni Jonatas aazangile, apwile apema mu mwono wo, ni mu kufwa kaahandunwine. Tambu jo jahianyine ja pupa, tachi jo jahianyine ja ndumba.

2 Samuel 14:1

Joabe mwana Zeluia wamwene mbunge ya mwanangana yapwile kuli Absa lome.

2 Samuel 2:19

Asahele yahanga Abenere, mba shimbu machimuhanga, kakondolokele chipwe ku chindume, chipwe ku chimeso. Kasolo kwecha Abenere.

2 Samuel 22:34

Kakupwisa molu jami ngwe molu ja kai. Kangumanyisa ha milundu yami.

2 Samuel 23:24

Asahele mwanakwo wa Joabe iye wapwile wa waze makumi atatu; ni Elehana mwana Ndodo wa ku Mbeteleme;

1 Yitanga Ya Mianangana 2:5

Chikwo nawa kuunanyingika chize Joabe mwana Zeluia wangulingile, chize alingile kuli tupitau aali a tujita twa Izalele, ngwami Abenere mwana Nere ni Amasa mwana Jetere. Waashihile nikumwanga manyinga a jita ha mwaka wa sambukila, nikusa manyinga a jita ha muya wa mu zalilo yenyi ni ha haku ja ku molu jenyi.

1 Sango Ja Mianangana 11:26

Malunga akwa ndundo a tujita wano: Asahele mwanakwo wa Joabe, ni Elehana mwana Ndodo wa ku Mbeteleme;

1 Sango Ja Mianangana 12:8

Amwe A-Ngate alihandunwine eze kuli David mu chivwenge mu puya, akwa ndundo ni hamu, akwa kujama ha jita kanahase kulinga ni kepwe ni makunga, meso jo ngwe meso ja ndumba ni tambu jo ngwe a kai ha milundu.

1 Sango Ja Mianangana 12:9

Mukwa lutwe Ezere, ni wamuchiali Obadia, ni wamuchitatu Eliape,

1 Sango Ja Mianangana 27:7

Kapitau wamuchiwana ha kakweji wamuchiwana Asahele mwanakwo wa Joabe, ni Zebadia mwanenyi wamukawile. Ngango yenyi ya makumi aali a tununu ni tununu awana.

Miaso (Masamu) 18:33

Kakupwisa molu jami ngwe molu ja kai. Kangumanyisa ha milundu yami.

Longeshi 9:11

Chikwo nawa, namwene kushi lia tangwa, mukwa tambu keshi kukumba mu Chizomboka; mukwa tachi keshi kukumba mu jita; mukwa mana keshi kuzuka kulia; mukwa yinyingi keshi kuzuka upite; mukwa utotombo keshi kumulemesa, alioze chakwawana nikulita ni tangwa liacho; chakupwa chipwila.

Mwaso Ubema Wahiana 2:17

Ndo tangwa mulicha ni yizulie muyichina, tewuluka, mukwa zango liami, pwako ngwe kai, ngwe mwana kapaji ha milundu ya Mbetere.

Mwaso Ubema Wahiana 8:14

Tambuka, mukwa zango liami. Pwako ngwe kai ngwe mwana kapaji ha milundu ya tumbuto twa lupembo mupema.

Amose 2:14

Tambu mujihwa kuli akwa tambu ni akwa tachi kechi kapwa nawa ni tachi jo. Chipwe akwa ndundo kechi kulamwina mwono wo.

Habakuke 3:19

Yehova Mwene iye tachi jami. Kakupwisa molu jami ngwe molu a kai. Kakungwendesa ha milundu yami. Kuli njimba wa lutwe: ha yisaji yami ya kusa.

1 Samuel 26:6

David yamba kuli Ahimeleke Ka-Hete, ni kuli mwanakwo wa Joabe, Abishai mwana wa Zeluia ngwenyi, Iya maya hamwe ni yami ku chilombo cha Saulu? Abishai ngwenyi, Munguya yami.