2 Samuel 2:1 - MUKANDA USANDU WA ZAMBI 1975

¹ Kulutwe lia yino yuma David yahula Yehova ngwenyi, Ngukanduke ku chimwe chihunda cha Yunda nyi? Yehova yamukumbulula ngwenyi, Kanduka. David yamba ngwenyi, Ku chihunda chika munguya? Iye ngwenyi, Ku Heprone.

Mukanda Wa Zambi 1970

¹ Mwabwamuze, David yahula Mwene Zambi ngwenyi: “Munguhasa kuya ku limwe limbo lia Yuda ni kwayula nyi?” Mwene Zambi yamukumbulula ngwenyi: “Ewa, yako.” David yahula ngwenyi: “Ku limbo lika?” Mwene Zambi ngwenyi: “Ku Hebrone.”

2 Samuel 2:1 Iomraidhean Croise

Ubutukilo 13:18

Apalama yatutulula mbalaka yenyi, yaya, yatwama ku mitondo ya Mamare, yize yatwama mu Heprone. Kwenako yatungila Yehova chilumbilo.

Ubutukilo 32:2

Ya komba muze haamona yamba ngwenyi, Chino chihuji cha Zambi. Kashika yaluka kuma kuze ngwenyi, Mahaneme.

2 Samuel 15:7

Kulutwe lia makumi awana a miaka Absalome yamba kuli mwanangana ngwenyi, Ngutayizenu kama nguye ku Heprone ngukafwete yilakenyo yami kuli Yehova.

2 Samuel 2:11

Shimbu lize lia David kupwa mwanangana wa munyachi wa A-Yunda mu Heprone liapwile lia miaka shimbiali ni tukweji asambano.

2 Samuel 5:19

David yahula Yehova ngwenyi, Ngukanduke ngukase jita ni A-Filistea nyi? Muakunjika kuli yami, nyi? Yehova yamba kuli David ngwenyi, Kanduka, mumu pundu mungukunjika A-Filistea kuli yena.

2 Samuel 5:23

Muze David hahula Yehova, iye yamba ngwenyi, Kanda ukanduka. Jingila kunyima yo ukaawane hatalanganyi ni mitondo ya amora.

1 Yitanga Ya Mianangana 2:11

Matangwa a kuyula David mu Izalele apwile makumi awana a miaka. Wayulile miaka shimbiali mu Heprone; wayulile makumi atatu a miaka ni miaka yitatu mu Yerusaleme.

1 Sango Ja Mianangana 29:7

Yahana ha milimo ya zuwo lia Zambi tununu atano a *talentu ja oru, ni kumi lia tununu twa ndarike ni kumi lia tununu twa *talentu ja prata, ni kumi lia tununu ni tununu nake a *talentu ja unengu, ni kulakaji lia tununu twa *talentu ja utale.

2 Sango Ja Mianangana 11:10

ni Zora, ni Ajalone, ni Heprone mu Yunda ni mu Mbenjamine; yino yihunda ya yipanga-ya-mawe.

Miaso (Masamu) 143:8

Nguvwise utu wa zango lie ha chimene, mumu muli yena ngunafuliela. Ngunyingikise jila yize changutamba kwendamo, mumu nakuhetula mbunge yami kuli yena.

Miaso (Masamu) 27:4

Chuma chimuwika hineta kuli Yehova, chenacho mungufupa; hanga ngukatwame mu zuwo lia Yehova miaka yeswe ya mwono wami. Ngukamone upeme wa Yehova, ngukazewule tembele yenyi.

Ezekiel 36:37

Mwene Yehova kanambe ngwenyi, Chino nawa mungutayiza akwa munyachi wa Izalele akete kuli yami, ngukaokese malunga jo ngwe mbunga ya mapanga.

Kwalula 13:22

O yakandukila ku Negeve, yaheta ku Heprone. Kwapwileko A-Ahimane, ni A-Sheshai, ni A-Talamai, eswe A-Anake. (Heprone te liatungiwile miaka shimbiali shimbu kanda achitunga Zoane mu Engitu.)

Kwalula 27:21

Amane kumeso ja sasendote Eleazare, iye mamuhulila ku upatwilo wa Urimi kumeso ja Yehova; ku liji lienyi o akapwe nikutuhwoka, ni ku liji lienyi akapwe nikunjilanjila, neye ni A-Izalele eswe hamwe nenyi, che chikungulwila cheswe.

Yoshua 15:13

Nikulita ni shimbi ya Yehova kuli Yoshua iye wahanyine kuli Kalemba mwana wa Yefune chihanda hakachi ka A-Yunda, te Kiriate-Arpa, jina likwo Heprone (Arpa iye tato ya Anake).

Akwa Kuyula 1:1

Yoshua hafwa A-Izalele yahula Yehova ngwo, Yoze mahanga kukanduka kuli A-Kanana kwasa no jita hali yetu, iya?

1 Samuel 10:22

Kashika ahulile Yehova nawa ngwo, Yono lunga hindu kwali, nyi? Yehova yakumbulula ngwenyi, Haswama hakachi ka yikwata.

1 Samuel 23:2

Kashika David yahula Yehova ngwenyi, Nguye ngukase jita ni A-Filistea, nyi? Yehova yamba kuli David ngwenyi, Yako ukase jita ni A-Filistea ukalamwine A-Kela.

1 Samuel 23:4

David yahula Yehova cheka nawa mba Yehova yamukumbulula ngwenyi, Katuka, palumuka ku Kela mumu mungukunjika A-Filistea kuli yena.

1 Samuel 30:31

ni mu Heprone, te mu yifuchi yeswe kuze David ni malunga jenyi endanganyine.