2 Samuel 19:14 - MUKANDA USANDU WA ZAMBI 1975

¹⁴ Yazeyesa mbunge ja malunga eswe a mu Yunda ngwe mbunge ya mutu umuwika. O yatuma kuli mwanangana ngwo, Hilukenu, ni yenu ni tuvumbi twenu eswe.

Mukanda Wa Zambi 1970

¹⁴ Ku maliji wano mwanangana yahombola Ayuda eswe. No yaamutumina maliji ngwo: “Hilukenu ni akwa kuyula jenu eswe.”

2 Samuel 19:14 Iomraidhean Croise

2 Samuel 17:25

Absalome yasela Amasa helu lia tujita mukusalakana Joabe. Amasa te mwana wa umwe lunga jina lienyi Itara Ka-Izalele yoze wanjilile kuli Abigale mwana Nahashi mwanakwo wa Zeluia naye ya Joabe.

2 Samuel 20:4

Mba mwanangana yamba kuli Amasa ngwenyi, Ungusanyikine malunga a Yunda akaswile kuno, ni matangwa atatu kanda ahwa. Ni yena ukapweko.

2 Samuel 22:44

Wangupulwile nawa ku kulitachika cha atu jami, hiwangupwisa mukwa lutwe hakachi ka mavungu. Atu waze te chaanyingikine kumanguvumbika.

2 Samuel 3:9

Zambi chocho alinge kuli yami Abenere nikuwezaho nawa, nyi chalingilile David chize Yehova hanalishingi nenyi,

2 Samuel 5:1

Minyachi yeswe ya A-Izalele yeza kuli David ku Heprone ngwo, Etu tuli chifwaha chenu ni musunya wenu.

Yilinga 4:32

Chizavu cha waze afulielele, apwile ni mbunge yimuwika ni kunyonga chimuwika: mba niumwe wa kuli ayo wambile ngwenyi, Chuma chize nguli nacho nichami mwene; alioze yuma yeswe yapwile ya mbunga.

Akwa Kuyula 20:1

Henaho A-Izalele eswe atuhukile, chize ku Ndane ndo ku Mbia-shipa hamwe ni chifuchi cha Ngiliate. Chikungulwila chakungulukile ngwe mutu limuwika kuli Yehova ku Mizepa.