2 Samuel 19:1 - MUKANDA USANDU WA ZAMBI 1975

¹ Yambulwila Joabe ngwo, Mwanangana kanalilila Absalome ni kulishimwoka.

Mukanda Wa Zambi 1970

¹ Atu yaalweza mwata Joabe ngwo: “Mwanangana David kanalili chinji mwanenyi Absalome ni kulinyenga.”

2 Samuel 19:1 Iomraidhean Croise

Ubutukilo 37:35

Anenyi eswe a malunga ni anenyi eswe a mapwo yakatuka akamulembejeke ahoze kasolo. Ngwenyi, Mnngukaya ku Shiole kuli mwanami nikulishimwoka. Chocho tato wamulilile.

2 Samuel 18:12

Lunga yamba kuli Joabe ngwenyi, Chipwe mangwaha kanunu ka mbongo ja prata mu kwoko, hindu chichi kwolola kwoko liami kulimika ni mwana wa mwanangana. Mumu mwe mu matwi jetu mwanangana wanwambanga yenu ni Abishai ni Itaia ngwenyi, Nukanyame, niumwe kanda alinga chimwe kuli mukweze Absalome.

2 Samuel 18:14

Joabe ngwenyi, Chichi kulaluka chocho ni yena. Yanda mivu yitatu mu kwoko lienyi, yatuwa nayo mbunge ya Absalome shimbu achili ni mwono hakachi ka carvalho.

2 Samuel 18:20

Joabe yamba kuli iye ngwenyi, Ena kuchi kutwala lusango musono, alioze tangwa lieka mutwala. Musono kuchi kutwala lusango mumu mwana wa mwanangana hafwa.

2 Samuel 18:33

Mwanangana wapinjile chikolo mu mbunge. Yaya ku chipatulo chili helu lia chikolo cha chihunda nikulila. Shimbu machiya yamba ngwenyi, Mwanami Absalome! Mwanamie, mwanami Absalome! Mu jina lia Zambi kachi nakufwilile! Absalome mwanami, mwanamie-e-e!

2 Samuel 18:5

Mwanangana yahana shimbi kuli Joabe, ni Abishai, ni Itaia ngwenyi, Lingenu ni vumbi ni mwe mukweze, ngwami, Absalome, mumu hali yami. Atu eswe te kanevu shimbu mwanangana mahana shimbi yino kuli tupitau ha kutwala kuli Absalome.

2 Samuel 19:2

Kashika tangwa lize kukumba chalumukine kulishimwoka kuli atu eswe, mumu atu evwile tangwa lize ngwo, Mwanangana kanalinyenge mumu hali mwanenyi.

Yishima 17:25

Mwana wa uhepuke kapwa chinyengo kuli tato; kapwa usasu kuli naye wamusemene.

Zakaria 12:10

Mungukazukula ha munyachi wa David ni hali akwa Yerusaleme Spiritu ya vumbi ni kulembela. Kumakahulikila meso yoze amutuwile. Kumakalishimwoka hali iye ngwe mutu kakulishimwoka hali mwanenyi wa lunga wa wika. Makamuvwila chinyengo ngwe chinyengo chize cha mutu hali mwanenyi mutangu.