2 Samuel 18:5 - MUKANDA USANDU WA ZAMBI 1975

⁵ Mwanangana yahana shimbi kuli Joabe, ni Abishai, ni Itaia ngwenyi, Lingenu ni vumbi ni mwe mukweze, ngwami, Absalome, mumu hali yami. Atu eswe te kanevu shimbu mwanangana mahana shimbi yino kuli tupitau ha kutwala kuli Absalome.

Mukanda Wa Zambi 1970

⁵ Yahana Shimbi kuli Joabe ni Abishai ni Itai ngwenyi: “Kuma ako nunayi, kanda nukalinga chibi mukweze wami Absalome.” Tujita eswe yeevwa maliji waze David ambilile miata jo.

2 Samuel 18:5 Iomraidhean Croise

2 Samuel 16:11

David yamba kuli Abishai ni kuli tuvumbi twenyi eswe ngwenyi, Mwanami yoze wasemukine ku mujimba wami kanafupu kungushiha. Mba yono Ka-Mbenjamine aye, ngwami, mahiana. Mwechenu atuke, mumu Yehova hamutuminacho.

2 Samuel 17:14

Absalome ni malunga eswe a Izalele yamba ngwo, Mana ja Hushai Ka-Arke Shinaho; ja Ahitofele ka. Mumu Yehova hanafunjika kulu kulelesa chiyulo chipema cha Ahitofele hanga Yehova akakokele yipi hali Absalome.

2 Samuel 18:12

Lunga yamba kuli Joabe ngwenyi, Chipwe mangwaha kanunu ka mbongo ja prata mu kwoko, hindu chichi kwolola kwoko liami kulimika ni mwana wa mwanangana. Mumu mwe mu matwi jetu mwanangana wanwambanga yenu ni Abishai ni Itaia ngwenyi, Nukanyame, niumwe kanda alinga chimwe kuli mukweze Absalome.

2 Samuel 19:1

Yambulwila Joabe ngwo, Mwanangana kanalilila Absalome ni kulishimwoka.

Miaso (Masamu) 103:13

Ngwe chisemi mavwila keke ana jenyi, chocho Yehova kakuvwila keke waze mamuvwila woma.

Luka 23:34

Yesu wambile ngwenyi, Tata, uakonekene kama; mumu kanyingikine chize analingi. O, nikulianyina mazalo jenyi hakachi ko, atele chela.