2 Samuel 18:31 - MUKANDA USANDU WA ZAMBI 1975

³¹ Ka-Kushe yeza ngwenyi, Lusango kuli mwene wami mwanangana! Yehova musono hanulambila waze eswe anukatukilile.

Mukanda Wa Zambi 1970

³¹ Mba mukwa Sudane yaheta, yalweza mwanangana ngwenyi: “Vulie mwanangana! Sango jibema ngunanwambulwila. Musono Mwene Zambi hakumba eswe waze te akulimika ni yenu!”

2 Samuel 18:31 Iomraidhean Croise

2 Samuel 18:19

Henaho Ahimaze mwana Zadoke yamba ngwenyi, Nguzomboke ngutwale lusango kuli mwanangana chize Yehova hanamulambila akwa kole jenyi.

2 Samuel 18:28

Ahimaze yatambika kuli mwanangana ngwenyi, Cheswe chinawaha! Yahetamina hashi kumeso ja mwanangana ngwenyi, Yehova Zambi yenu afumane se iye hanakunjika malunga aze azundwile moko jo kulimika ni mwene wami mwanangana.

2 Samuel 18:30

Mwanangana ngwenyi, Jinga umane kuno. Iye yajinga yamana lume.

Miaso (Masamu) 58:10

Mukwa ululi mawahilila muze mamona che kukala. Masanyisa yiliato yenyi mu manyinga a yingulungulu.

Daniel 4:19

Aho Daniel, jina lienyi likwo Belteshazare, yatatajala shimbu linene, ni manyonga jenyi yamuvwisa woma. Mwanangana yamba ngwenyi, Belteshazare, chilota chino ni ulumbunwiso wacho kanda chikuvwisa woma. Belteshazare yakumbulula ngwenyi, Mwene wami, chilota chino chikapwe kuli waze akunuvwila kole, ni ulumbunwiso wacho ukapwe kuli akwa kole jenu.

Akwa Kuyula 5:31

Yehova, chocho akafwe akwa kole je eswe. Alioze masepa je akapwe ngwe tangwa muze mulivumbuka ni tachi jalio. Mba chifuchi chahwimine makumi awana a miaka.