2 Samuel 18:19 - MUKANDA USANDU WA ZAMBI 1975

¹⁹ Henaho Ahimaze mwana Zadoke yamba ngwenyi, Nguzomboke ngutwale lusango kuli mwanangana chize Yehova hanamulambila akwa kole jenyi.

Mukanda Wa Zambi 1970

¹⁹ Mba Ahimaze mwana wa Zadoke yambila Mwata Joabe ngwenyi: “Ngutayize kama hanga nguzomboke kuli mwanangana ngumulweze ngwe chize Mwene Zambi hamulamwina ku moko ja akwa kole jenyi.”

2 Samuel 18:19 Iomraidhean Croise

2 Samuel 15:27

Mwanangana yamba kuli sasendote Zadoke nawa ngwenyi, Ngwami uli mukwa kumona, nyi? Hiluka kwimbo ni sambukila, ni ana je a malunga aali hamuwika, Ahimaze mwané, ni Jonatas mwana Abiatare.

2 Samuel 15:36

O kali ni ana jo aali kuze kwene, Ahimaze mwana Zadoke, ni Jonatas mwana Abiatare. Cheswacho muwivwa uatume kuli yami akangulwezecho.

2 Samuel 17:17

Jonatas ni Ahimaze yatwama hakamwihi ni Ene-Rogele. Umwe ngamba wa pwo wapwile nikuyaya nikwatwala liji. O yaya nikwambulwila mwanangana David kuchina maamona nikunjila mwimbo.

2 Samuel 18:20

Joabe yamba kuli iye ngwenyi, Ena kuchi kutwala lusango musono, alioze tangwa lieka mutwala. Musono kuchi kutwala lusango mumu mwana wa mwanangana hafwa.

2 Samuel 18:23

Hindu yakumbulula ngwenyi, Chipwe chocho, munguzomboka. Iye yamba ngwenyi, Zomboka nyi. Kashika Ahimaze yazombokela jila ya ku chana, yahiana Ka-Kushe.

2 Samuel 18:31

Ka-Kushe yeza ngwenyi, Lusango kuli mwene wami mwanangana! Yehova musono hanulambila waze eswe anukatukilile.

Miaso (Masamu) 10:14

Alioze yena hiwachimona, mumu kuwakumona uhuka ni kuhungumiona cha atu. Kumukachifwetesa ni kwoko lie. Mwe mukwa luyinda kakulikunjika kuli yena. Yena uli chikwashi cha ana-ashiwa.

Miaso (Masamu) 10:18

Hanga ukalinge ululi kuli mwana-shiwa ni mukwa luyinda, hanga mukwa hashi keshi kuvwisa mwongo nawa. Kuli Njimba mukwa lutwe. Samu lia David.

Miaso (Masamu) 7:6

Katuka kama Yehova ni utenu we; katuka mumu ha ufwatulo wa akwa kole jami: ulaule kama hali yami; yena hiwasela upatwilo.

Miaso (Masamu) 9:16

Atu kakunyingika Yehova mu upatwilo uze kakupatula; mwe chingulungulu hakwachika mu yitanga ya moko jenyi mwene. (Pukuna. Litulike.)

Miaso (Masamu) 9:4

Yena hiwakolesa upatwilo wami ni chikuma chami. Watwamine ha ngunja nikupatula ni ululi.

Jeremia 51:31

Mukeji umwe kanazomboka kutakana ni mukwo, ni kanganda umwe akatakane ni mukwo, akalweze mwanangana wa Babilonia chihunda chenyi hanachitambula sali ni sali.

A-ROMA 12:19

Kanda nulikalila milonga yenwene, akwetu a zango, alioze lisekulenu ha utenu: mumu chinasonewa ngwo, Kukala nichami, yami kumungufwetesa, chocho anambe Mwene.