2 Samuel 18:17 - MUKANDA USANDU WA ZAMBI 1975

¹⁷ O yanda Absalome, yamumbila mu wina umwe unene mu usaki, yamulumbika mulumba unene chikolo wa mawe, mba A-Izalele eswe yachinyina mutu ku zuwo lienyi, mutu ku zuwo lienyi.

Mukanda Wa Zambi 1970

¹⁷ Tujita twa Joabe yaanda Absalome, yaamumbila mu wina usuku mu usaki, yaalumbika ho chingina chinene cha mawe. Aisraele yaachina, mutu ni mutu yaya ku mahienyi.

2 Samuel 18:17 Iomraidhean Croise

2 Samuel 19:5

Joabe yanjila mu zuwo kuli mwanangana ngwenyi, Musono hinwakolesa sonyi tuvumbi twenu eswe waze anulamwinanga mwono wenu, ni mwono wa ana jenu a malunga ni a mapwo, ni mwono wa mapwo jenu ni wa *akonkubina jenu

2 Samuel 19:8

Kashika mwanangana yakatuka yatwama mu chikolo cha chihunda. Chafumana kuli atu eswe ngwo, Mwanangana kanatwama mu chikolo, mba atu eswe aswilile kumeso ja mwanangana. A-Izalele o te hanachinyina mutu mweswe ku zuwo lienyi.

2 Samuel 19:9

Mba kwapwile kulitachika hakachi ka minyachi ya A-Izalele ngwo, Mwanangana watupulwile ku tachi ja akwa kole jetu; yatulamwina kuli A-Filistea; haliapwila hachina chifuchi mumu hali Absalome.

2 Samuel 20:1

Kwapwileko umwe lunga wamokomoko, jina lienyi Shipa, mwana Mbi kiri Ka-Mbenjamine. Iye yahumuna chitavwi ngwenyi, Etu kutushi chihanda muli David, chipwe chihinga kutushi nacho muli mwana Yese. Kashika enu malunga a Izalele yénu ku mazuwo jenu.

2 Samuel 20:22

Pwo wayile kuli atu eswe ni mana jenyi, mba O atapile mutwe wa Shipa mwana Mbikiri, yaukonga kuli Joabe. Aye yahumuna chitavwi; atu eswe amwanganyine ku chihunda, mutu mweswe ku zuwo lienyi. Joabe yahiluka yeza ku Yerusaleme kuli mwanangana.

1 MIANANGANA 14:12

Izalele yakumba A-Yunda, mba A-Yunda yachinyina mutu mweswe ku mbalaka yenyi.

1 MIANANGANA 8:21

Henaho Jorame yaya ku Zaire ni matemba jenyi eswe hamuwika. Yakatuka ha ufuku, yala mba A-Endome waze amujingilikile, ni tupitau twa matemba, mba atu yachinyina ku mbalaka jo.

Yishima 10:7

Kwiwuluka mukwa ululi kuwahacho, alioze jina lia chingulungulu kumulikapola.

Shimbi 21:20

O ambe kuli makulwana a limbo lienyi ngwo, Yono mwanetu iye mukwa upama, wa kukolema, kazeyele ku liji lietu, iye chikuhukila, iye mukwa kuzengewa.

Shimbi 21:21

Malunga eswe a limbo lize amwase mawe afwe, chocho munukatwisa chipi mukachi kenu, A-Izalele eswe evwe, apwe ni woma.

Yoshua 10:27

Alioze ha kunjila cha tangwa Yoshua yatuma, yaachiza ku mitondo yaambila mu chivwenge muze aswamine. Yajika utuhukilo wa chivwenge ni mawe anene. Kokwene kwali ndo musono.

Yoshua 7:26

Yalumbika hali iye mulumba unene wa mawe. Wasala ndo musono. Mba Yehova watewulukile ku kusasaminya cha utenu wenyi. Kashika jina liako ndo musono ngwo, Chikulo cha Akore.

Yoshua 8:29

Yasukika mwanangana wa Ayi ha mutondo ndo chingoloshi. Ha kutoka cha tangwa Yoshua yatuma, yachiza mujimba wenyi ku mutondo, yaumbila mu chikolo cha chihunda nikulumbikilaho mulumba wa mawe. Kokwene kuuli ndo musono.

1 Samuel 4:10

Chocho A-Filistea ashile jita, yakumba A-Izalele. A-Izalele yachinyina mutu ku mbalaka yenyi mutu ku mbalaka yenyi. Kwapwile kushiha chinene, mumu kwafwile a kuli A-Izalele makumi atatu a tununu a maswalale a kwenda hashi.