2 Samuel 18:14 - MUKANDA USANDU WA ZAMBI 1975

¹⁴ Joabe ngwenyi, Chichi kulaluka chocho ni yena. Yanda mivu yitatu mu kwoko lienyi, yatuwa nayo mbunge ya Absalome shimbu achili ni mwono hakachi ka carvalho.

Mukanda Wa Zambi 1970

¹⁴ Joabe ngwenyi: “Chichi kulaluka ni kuhanjika ni yena.” Mba yanda makunga atatu, yaatuwa ha mbunge ya Absalome muze te achili ni mwono ni kuzezala ku mutondo shene.

2 Samuel 18:14 Iomraidhean Croise

2 Samuel 12:10

Kashika, katana kechi kukatuka ku zuwo lie, mumu hiwangulelesa, hiwambata pwo lia Uriya Ka-Hete.

2 Samuel 14:30

Kashika yamba kuli ngamba jenyi ngwenyi, Munda wa Joabe walihata ni munda wami. Kuuli ni sevada. Yénu nuwoche. Ngamba ja Absalome yocha we munda.

2 Samuel 18:15

Kumi lia akweze akwa kumbata yitwa ya Joabe yajingilika Absalome nikumulamba nikumushiha.

2 Samuel 18:5

Mwanangana yahana shimbi kuli Joabe, ni Abishai, ni Itaia ngwenyi, Lingenu ni vumbi ni mwe mukweze, ngwami, Absalome, mumu hali yami. Atu eswe te kanevu shimbu mwanangana mahana shimbi yino kuli tupitau ha kutwala kuli Absalome.

2 Samuel 19:1

Yambulwila Joabe ngwo, Mwanangana kanalilila Absalome ni kulishimwoka.

2 Samuel 19:11

Mwanangana David yatuma kuli Zadoke ni Abiatare asasendote ngwenyi, Hanjikenu ni makulwana ja A-Yunda ngwenu, Kuchi te nuli asula kuhilwisa mwanangana ku zuwo lienyi? Se liji lia A-Izalele eswe hiliaheta kuli mwanangana kumuneha ku zuwo lienyi.

Jobe 20:5

Mazazo ja yingulungulu kakuhiha; kuwahilila cha yitanganyanyi chapwa cha kashimbu kakehe wika?

Miaso (Masamu) 37:35

Hingunamono yingulungulu ni ndundo jinene nikutanda ngwe mutondo wa wisu mu mavu jawo.

Miaso (Masamu) 45:5

Mivu ye yinambuka; yili mu mbunge ja akwa kole ja mwanangana; atu eka ni eka analimbuka kushi lia yena.

Mateu 12:40

mumu chizechene ngwe Yona wapwile matangwa atatu ni ufuku utatu mu jimo lia yishi munene; chocho mwe Mwana Mutu kumakapwa mushi lia mavu matangwa atatu ni ufuku utatu.

1 Tesalonika 5:3

Mumu muze mamba ngwo, Sambukila, kutwama kawape, hohene kwenyeka muchitulumuka hali ayo ngwe kufumbajala hali pwo yoze uli ni ufumba; no kechi komboka nichimwe.

Akwa Kuyula 4:21

Alioze Jaele pwo lia Hepere wanjile lumbambo wa mbalaka; yakwata muhato mu kwoko Henyi; yaya kuli iye makokemakoke yamuhachila lumbambo mu mbalangwe ndusu mu mavu te mu tulo anji ali, mumu jamuhwa. Chocho yafwa.

Akwa Kuyula 5:26

Yasa kwoko lienyi ku lumbambo wa mbalaka. Kwoko henyi lia chindume yilikwata muhato wa mukwa milimo. Yalamba Sisera, yawonda mutwe wenyi. Yatuwa mbalangwe yenyi nikuyilokola.

Akwa Kuyula 5:31

Yehova, chocho akafwe akwa kole je eswe. Alioze masepa je akapwe ngwe tangwa muze mulivumbuka ni tachi jalio. Mba chifuchi chahwimine makumi awana a miaka.