2 Samuel 18:1 - MUKANDA USANDU WA ZAMBI 1975

¹ David yalula atu aze apwile no. Yaasela tupitau twa tununu ni tupitau twa makulakaji.

Mukanda Wa Zambi 1970

¹ Mwanangana David yakungulula tujita twenyi eswe, yaahandununa mu mbunga ja 1,000 ni ja 100, yasa miata ku mbunga ni mbunga.

2 Samuel 18:1 Iomraidhean Croise

Kutuhuka 17:9

Mose yamba kuli Yoshua ngwenyi, Tongola malunga, nukaye, nukase jita ni A-Amaleke. Hamene mungukamana ha mbulwa mulundu nikukwata mulumbu wa Zambi mu kwoko liami.

Kutuhuka 18:21

Chikwo nawa ukalitalile malunga yitakame a kuli atu, a kuvwila woma Zambi, malunga amwenemwene, a kuvwila lwaji chipululu. Ukaapwise miata jo; akapwe akwa kuyula tununu twa atu, akwa kuyula makulakaji, akwa kuyula makumi atano, akwa kuyula kumi lia atu.

Kutuhuka 18:25

Mose wasakwile malunga yitakame a kuli A-Izalele eswe. Yaapwisa miata ja atu, akwa kuyula tununu, akwa kuyula makulakaji, akwa kuyula makumi atano, akwa kuyula kumi.

Kwalula 31:14

Mose yatenuka ni yilolo ya chizavu cha tujita, tupitau twa tununu, ni tupitau twa kulakaji te anahiluka ha kukatuka ku jita.

Shimbi 20:9

Ha kumanununa kuhanjika ni e atu, yilolo atongole miata a yizavu apwe helu lia atu.

Yoshua 8:10

Yoshua yalimeneka chimenemene, yakungulula atu, yakanduka hamuwika ni makulwana a Izalele kulutwe lia atu ku Ayi.

1 Samuel 22:7

Saulu yamba kuli atu jenyi waze anamujingilika ngwenyi, Panjikenu enu A-Mbenjamine. Yono mwana Yese manwaha eswe minda ni mitondo ya uva, nyi? Manupwisa eswe akwa kuyula tununu ni akwa kuyula makulakaji,

1 Samuel 8:12

Maapwisa tupitau twa tununu ni tupitau twa makumi atano. Amwe mamuchipila minda, ni amwe macha mbuto yenyi, ni amwe mamufulila yikungo ya jita ni yikungo ya matemba jenyi.