2 Samuel 17:25 - MUKANDA USANDU WA ZAMBI 1975

²⁵ Absalome yasela Amasa helu lia tujita mukusalakana Joabe. Amasa te mwana wa umwe lunga jina lienyi Itara Ka-Izalele yoze wanjilile kuli Abigale mwana Nahashi mwanakwo wa Zeluia naye ya Joabe.

Mukanda Wa Zambi 1970

²⁵ (Absalome yapwisa Amasa mwata wa tujita asalakane Joabe, Amasa te mwana wa Jetere, Kaishmaele, naye te Abigaile, mwana wa Nahashi wa pwo, te ndumbu ya Zeruya naye ya Joabe.)

2 Samuel 17:25 Iomraidhean Croise

2 Samuel 17:26

A-Izalele ni Absalome asele chilombo cho ku Ngiliate.

2 Samuel 19:13

Ambenu kuli Amasa nawa ngwenu, Ngwami, uli wa yifwaha yami ni musunya wami. Zambi alinge chocho kuli yami nikuwezaho nawa kachi chakusele kapitau wa tujita matangwa eswe kusalakana Joabe.

2 Samuel 19:14

Yazeyesa mbunge ja malunga eswe a mu Yunda ngwe mbunge ya mutu umuwika. O yatuma kuli mwanangana ngwo, Hilukenu, ni yenu ni tuvumbi twenu eswe.

2 Samuel 20:4

Mba mwanangana yamba kuli Amasa ngwenyi, Ungusanyikine malunga a Yunda akaswile kuno, ni matangwa atatu kanda ahwa. Ni yena ukapweko.

1 Yitanga Ya Mianangana 2:28

Lusango yono wahetele kuli Joabe mumu Joabe te wakawile Adonija chipwe kakawile Absalome. Kashika Joabe yachinyina ku mbalaka ya Yehova, yakwata ku mbinga ja chilumbilo.

1 Yitanga Ya Mianangana 2:32

Yehova makahilwisa ha mutwe wenyi manyinga jenyi mumu washihile malunga aali akwa ululi, malunga apema kuhiana iye. Yaashiha ni katana, tata David te kachinyingikine, ngwami Abenere mwana Nere kapitau ka tujita twa Izalele ni Amasa mwana Jetere kapitau ka tujita twa Yunda.

1 Yitanga Ya Mianangana 2:5

Chikwo nawa kuunanyingika chize Joabe mwana Zeluia wangulingile, chize alingile kuli tupitau aali a tujita twa Izalele, ngwami Abenere mwana Nere ni Amasa mwana Jetere. Waashihile nikumwanga manyinga a jita ha mwaka wa sambukila, nikusa manyinga a jita ha muya wa mu zalilo yenyi ni ha haku ja ku molu jenyi.

1 Sango Ja Mianangana 12:19

Amwe A-Manase yeza kuli David muze wejile ni akwa kuyula ja A-Filistea akase jita ni Saulu, alioze kaakwashile, mumu muze A-Filistea hachitwama punga yamukatwisa ngwo, Maya sali lia mwene wenyi Saulu nikukoka Utoji ha mitwe yetu.

1 Sango Ja Mianangana 2:13

Yese yasema mwanenyi mutangu Eliape, ni wamuchiali Abinadambe, ni wamuchitatu Shima,