2 Samuel 17:16 - MUKANDA USANDU WA ZAMBI 1975

¹⁶ Kashika tumenu nikawashi nukambulwile David ngwenu, Kanda nupomba musono ku yau ya ku puya. Zaukenu cheswacho, kuchina mwanangana manonga ni atu eswe ali no.

Mukanda Wa Zambi 1970

¹⁶ Hushai yamba nawa ngwenyi: “Lipupwisenu! Tuminenu mwanagana David liji ngwenu, kanda achishila ufuku ku chau cha ku puya, alioze azauke Yordau, hanga iye ni atu jenyi keechi kufwa.”

2 Samuel 17:16 Iomraidhean Croise

2 Samuel 15:14

David yamba kuli tuvumbi twenyi eswe apwile hamwe nenyi mu Yerusaleme ngwenyi, Katukenu, tuchinenu; nyi ka, kutuchi kulilamwina kuli Absalome. Tambukenu, katukenu kuchina matuwana nikawashi matunehena chuma chipi, ni makalamba limbo ni katana.

2 Samuel 15:28

Ami mungutwama ku chau cha ku puya ndo mungutambula liji lia kuli yena lia kungulweza kanawa.

2 Samuel 15:35

Chikwo nawa, asasendote Zadoke ni Abiatare uli no. Kashika cheswacho muwivwa ku zuwo lia mwanangana, ambulula kuli asasendote Zadoke ni Abiatare.

Miaso (Masamu) 35:25

Kanda amba mu mbunge jo ngwo, Ewa! Chocho tunazange. Kanda amba ngwo, Mba hitwamumina lume.

Miaso (Masamu) 55:8

Kachi munguya fuji ku chiswamo ngu-kaswame ku kangonga ni kakundukundu.

Miaso (Masamu) 56:2

Akwa kole jami kanazange kungulia tangwa lieswe nganganga. Mumu waze akwasa jita ni yami nikulengumuka te anji.

Miaso (Masamu) 57:3

Iye kwilu kumatuma akangulamwine, muze mukwa kungwonwona manguchoka; (Litulike.) Zambi matuma utu wa zango lienyi ni umwenemwene wenyi.

1 Korintu 15:54

Alioze muze yono mukwa kupola hazala chize kuchishi kupola, ni yono mukwa kufwa hazala chize kuchishi kufwa, hohene liji mulikamanunuka, lize linasonewa ngwo, Kukumba hichajimuna kufwa.

2 Korintu 5:4

Mumu chamwenemwene, yetu, tuli mu mbalaka yino twakutwa mikuma, mumu tunalemewa; kuchapwile ngwe tunazange kuzula, alioze tunazange kuzala, hanga chize cha kufwa chikajimuke mu mwono.

1 Samuel 20:38

Yatambika nawa kuli mukweze ngwenyi, Zomboka, tambuka, kanda ulaluka. Mba mukweze wa Jonatas yanda mivu yayineha kuli kako.