2 Samuel 17:14 - MUKANDA USANDU WA ZAMBI 1975

¹⁴ Absalome ni malunga eswe a Izalele yamba ngwo, Mana ja Hushai Ka-Arke Shinaho; ja Ahitofele ka. Mumu Yehova hanafunjika kulu kulelesa chiyulo chipema cha Ahitofele hanga Yehova akakokele yipi hali Absalome.

Mukanda Wa Zambi 1970

¹⁴ Absalome ni Aisraele eswe yaamba ngwo: “Mana ja Hushai kaanahiana mana ja Ahitofele.” Mumu Zambi hanyonga ngwenyi, chibwe mana ja Ahitofele kaali abema, kuchatambile kwakaula hanga Absalome amone lamba.

2 Samuel 17:14 Iomraidhean Croise

Ubutukilo 32:28

Iye yamba ngwenyi, Jina lie kulichi kupwa nawa Yakomba, alioze mulipwa Izalele, mumu walitachika ni Zambi, walitachika ni atu, wakumba.

2 Samuel 15:31

Umwe yalweza David ngwenyi, Ahitofele hanalifutula ni waze akwa punga ya Absalome. David yamba ngwenyi, Yehova, ngukulembe, alumuna mana a Ahitofele akapwe uhepuke.

2 Samuel 15:34

alioze Shinaho uhiluke kwimbo uambe kuli Absalome ngwe, Mwanangana, kumungupwa kavumbi kenu. Chizechene ngwe napwile kavumbi ka tatenu ha miaka ya kunyima chocho mungupwa kavumbi kenu. Chocho muhasa kungutangwila mana a Ahitofele.

2 Samuel 16:23

Mana ja Ahitofele alongesele ha matangwa aze apwile ngwe mutu hahula ku liji lia Zambi. Chocho apwile mana eswe a Ahitofele ni kuli David ni kuli Absalome.

2 Sango Ja Mianangana 10:15

Chocho mwanangana kapanjikile kuli atu, mumu chuma chino chalingiwile kuli Zambi hanga Yehova akakolese liji lienyi lize ahanjikile ku kanwa lia Ahija Ka-Shilone kuli Jeroboame mwana Nebate.

2 Sango Ja Mianangana 10:8

Alioze yambila mana a makulwana aze hamwaha; yahula mana kuli akweze aze atatukile hamuwika nenyi, amanyine kumeso jenyi.

2 Sango Ja Mianangana 25:16

Shimbu machihanjika nenyi, mwanangana yamba kuli iye ngwenyi, Te hitwakupwisa kaliamanga ka mwanangana? Holako! Nyi unazange akulambe? Kashika profeta yahola. Yamba ngwenyi, Ngunanyingika Zambi kanapale kukwonwona mumu hiwalinga chino, kusolo kupanjika ku chiyulo chami.

2 Sango Ja Mianangana 25:20

Alioze Amazia kasolo kwivwa, mumu chino chuma te cha kuli Zambi akaakunjike kuli akwa kole jo mumu hakaula mazambi a Endome.

Nehemia 4:15

Muze akwa kole jetu hevwa chino chuma, ngwe etu hitwanyingika mana jo, ni Zambi halelesa kutaka cho, mba etu eswe twahilukile ku chipanga, mutu mweswe ku milimo yenyi.

Jobe 12:17

Tuliamanga kakwatwala a kupupa; kakuhepwisa yipatula-milonga.

Miaso (Masamu) 9:15

E mavungu hanashimbama mu wumbu lize afulile. Mu wanda uze atanjilikile, kulu lio ene hiliakwachika.

Miaso (Masamu) 9:16

Atu kakunyingika Yehova mu upatwilo uze kakupatula; mwe chingulungulu hakwachika mu yitanga ya moko jenyi mwene. (Pukuna. Litulike.)

Kutuhuka 9:16

Alioze chamwenemwene mumu ha chikuma chino hinakwaha mwono, ngukakulweze tachi jami, hanga jina liami akaliambujole hashi heswe.

Yishima 19:21

Kutaka chinji chili mu mbunge ya mutu; alioze yiyulo ya Yehova yenayo muyikakola.

Yishima 21:30

Mana a kulimika ni Yehova, hanji malinjekela, hanji yiyulo yakuhi.

Izaya 8:10

Twamenu punga hamuwika, alioze muchikafuwa; hanjikenu liji, alioze kulichi kakola, mumu Zambi tuli nenyi hamwe ni yetu.

Lungungu 3:37

Iya hatumina chuma mba hichapwa, ndo Mwene wachifunjikile?

Amose 9:3

Chipwe maswamina ha mbulwa mulundu wa Karmela kwenako mungukaafupa ni kwakwata. Chipwe manguswamina mu mashima a kalunga-lwiji mungukatuma kapela mba makaasuma.

Luka 16:8

Mwene wenyi wahalishile kaselo ka uhenge, mumu walingile ni ukanyame, mumu akwa mwaka uno ha chisemuko cho ene kanakanyama kuhiana akwa pangu.

1 Korintu 3:19

Mumu mana ja hano hashi kanapu uhepuke kuli Zambi. Mumu chinasonewa ngwo, Kakukwata akwa mana ni kalimbavuli ko ene.

Shimbi 2:30

Alioze Sahone mwanangana wa Heshebone katutayijile kupalika kuli iye, mumu te Yehova Zambi yenu yakalisa manyonga jenyi, yamwaha pami mu mbunge yenyi, hanga amukunjike mu moko jenu, ngwe ha tangwa lino.

Yoshua 11:20

Mumu Yehova wachilingile kukalisa mbunge jo akase jita ni A-Izalele hanga akaanongese liakulu. Kawanyine keke. Aajimine chizechene ngwe Yehova watumine Mose.