2 Samuel 16:8 - MUKANDA USANDU WA ZAMBI 1975

⁸ Yehova hanakuhilwisa manyinga eswe a munyachi wa Saulu yoze unasalakana mu wanangana. Yehova hahana wanangana kuli mwané Absalome, ni yena hiwakwachika mu uhuka we, mumu uli lunga wa manyinga.

Mukanda Wa Zambi 1970

⁸ Yena watambwile wanangana wa Saulu, haliabwila Mwene Zambi kanakumwesa lamba mumu hiwashiha anji a ku jiko lienyi. Mwene Zambi hahana wanangana we kuli mwane Absalome, yena mukwa kushiha atu, jakukangana!”

2 Samuel 16:8 Iomraidhean Croise

2 Samuel 1:16

David yamba kuli iye ngwenyi, Manyinga je akapwile ha mutwe wa yena mwene, se kanwa lie hiliakushindakenya ngwe, Hinashiha yoze amuwayishile kuli Yehova.

2 Samuel 19:19

Yamba kuli mwanangana ngwenyi, Mwene wami, kanda nungumwena uhenge. Kanda nwiwuluka chize yami kavumbi kenu nalingile ni kupiya chami tangwa lize mwene wami mwanangana nwahichikile Yerusaleme. Mwanangana kanda nuchisa mbunge.

2 Samuel 19:21

Alioze Abishai mwana Zeluia yamba ngwenyi, Kutuchi kushiha Shimei mumu ha kutuka yoze amuwayishile ni maji kuli Yehova, nyi?

2 Samuel 21:1

Kwapwile kapunga ha matangwa a David miaka yitatu mwaka ha mwaka. David wahulile kuli Yehova. Yehova yamba ngwenyi, Chino chuma chapwa mumu hali Saulu ni munyachi wenyi wa kumwanga manyinga, mumu washihile A-Ngibeone.

2 Samuel 21:9

Yaakunjika kuli A-Ngibeone, o yaasukika ha mulundu kumeso ja Yehova; yafwa eswe shimbiali hamuwika. Yaashiha ha matangwa a kucha, ha matangwa atangu ha kuputuka kucha sevada.

1 Yitanga Ya Mianangana 2:8

Chikwo nawa, uli ni Shimei mwana Ngera Ka-Mbenjamine wa ku Mbahurime yoze wangutukile ni matuka api tangwa lize nayile ku Mahaneme. Alioze wejile nikungupatwiza ku Yordau mba nalishingile kuli iye ni jina lia Yehova ngwami, Chichi kukushiha ni katana.

Miaso (Masamu) 3:2

Anji kakwamba ha kutwala kuli yami ngwo, Ulamwino wakuhi hali iye muli Zambi. (Litulike.)

Miaso (Masamu) 4:2

Enu ana ja atu ndo mwiji muka munwalumuna ulemu wami ukapwe sonyi? Ndo mwiji muka munuzanga kulenga chamokomoko nikufupa mahuza?(Litulike.)

Miaso (Masamu) 55:3

Mumu ha liji lia mukwa kole. Mumu ha kupinjisa cha yingulungidu. Mumu kakumbilambila uhenge hali yami. Kakunguhungumiona ni utenu.

Miaso (Masamu) 7:4

nyi hinalinga chipi kuli yoze watwama ni sambukila kuli yami, (pundu hinapulula yoze halipwisa mukwa kole yami ni chitela chakuhi)

Yishima 26:2

Ngwe ndalamusepe ha kupekumioka chenyi ni kapiasa ha kuhumuka chenyi, chocho shingo lize kulishi chitela kulishi kupwila.

Usolwelo 16:6

Mumu amwangine manyinga ja asandu ni aprofeta, hiunaahe manyinga a kunwa; mumu kanatelo.

Akwa Kuyula 9:24

hanga upupilo alingile kuli ana a Njerubale makumi shimbiali ukahiluke, ni manyinga jo akapwile hali mwanakwo Apimeleke yoze waashihile, ni hali malunga a Shekeme waze amuhele tachi ja kushiha ayayo.