2 Samuel 16:5 - MUKANDA USANDU WA ZAMBI 1975

⁵ Muze mwanangana David haheta ku Mbahurime kwejileko umwe lunga usoko wa munyachi wa Saulu, jina lienyi Shimei mwana Ngera. Te kaneza nikutukatuka.

Mukanda Wa Zambi 1970

⁵ Muze mwanangana David haheta ku Bahurime, yalitakana ni umwe wa kuli usoko wa mwanangana Saulu, jina lienyi Shimei, mwana wa Gera, te kaneza ni kushililika mwanangana David,

2 Samuel 16:5 Iomraidhean Croise

2 Samuel 16:14

Mwanangana ni atu eswe aneza no kanende te ni yikatalo mba henaho yalihuzulula.

2 Samuel 16:4

Henaho mwanangana yamba kuli Ziba ngwenyi, Yuma yeswe yapwile ya Mefiposhete hiyalumuka ya yena. Ziba ngwenyi, Ngunafulamana kuli yenu. Ngukawane vumbi kumeso ja mwene wami mwanangana.

2 Samuel 16:6

Washile mawe David ni tuvumbi eswe a mwanangana David. Atu eswe ni malunga a ndundo te kanamana kwa kumujingilika sali lia chindume ni sali lia chimeso.

2 Samuel 17:18

Alioze umwe mwana-lunga yaamona, yambulwila Absalome. E malunga yaya fuji eswe aali, yaheta ku zuwo lia umwe lunga mu Mbahurime kali ni shima lisuku mu yize yenyi. O yanjilamo.

2 Samuel 23:31

ni Abi-Albone Ka-Arpa; ni Azmave Ka-Baruma;

2 Samuel 3:16

Alioze lunga lienyi wayile hamwe nenyi nikumulilila jila yeswe ndo Mbahurime. Kwenako Abenere yamwamba ngwenyi, Yako; hiluka. Iye yahiluka.

Estere 2:5

Kwapwile umwe Ka-Yunda mwimbo mu Shushane jina lienyi Mordekai mwana Njaire, mwana Shimei, mwana Kishi Ka-Mbenjamine,

Jobe 30:11

Se Zambi hanajitula muhipu wami ni kungukolesa sonyi, no nawa keshi ni woma kumeso jami.

Miaso (Masamu) 102:8

Akwa kole jami kakunguchoka tangwa lieswe nganganga. Waze ananguvwila matoto kakungutuka.

Miaso (Masamu) 109:28

Ashinge, alioze yena wahisa. Muze makatuka, sonyi mevwa alioze kavumbi ke mawahilila.

Miaso (Masamu) 69:26

Mumu kakuhungumiona yoze wamulamba yena. Kakwambulula chinyengo cha waze waalemeka yena.

Kutuhuka 22:27

Mumu lioliene kuliapwa lia kulifuka nalio. Kuliapwa hina lia ku mujimba wenyi. Neka mapomba? Mba muze iye mateta kuli yami, kumungwivwa, mumu yami mukwa vumbi.

Kutuhuka 22:28

Kanda ukashililika Zambi. Chipwe kanda ukatuka mukwa kuyula atu je.

Yishima 26:2

Ngwe ndalamusepe ha kupekumioka chenyi ni kapiasa ha kuhumuka chenyi, chocho shingo lize kulishi chitela kulishi kupwila.

Longeshi 10:20

Chipwe mu manyonga je kanda utuka mwanangana; chipwe mu chipatulo cha kupomba kanda utuka pichi; mumu kajila wa mu tetela mambata liji lie, hanji umwe mukwa mapulwa mambulula je pande.

Izaya 8:21

Kumakapalika mu chifuchi ni kupinda chinji, ni zala; mba muze mevwa zala, kumakatenuka ni kutuka mwanangana wo ni Zambi yo ni kutala kwilu.

1 Samuel 17:43

Ka-Filistea yamba kuli David ngwenyi, Te nguli kawa, se uneza kuli yami ni mbwechi? Ka-Filistea yashinga David ni majina ja mazambi jenyi.