2 Samuel 16:23 - MUKANDA USANDU WA ZAMBI 1975

²³ Mana ja Ahitofele alongesele ha matangwa aze apwile ngwe mutu hahula ku liji lia Zambi. Chocho apwile mana eswe a Ahitofele ni kuli David ni kuli Absalome.

Mukanda Wa Zambi 1970

²³ Ha matangwa waze, atu yaatambula longeso lia Ahitofele ngwe liji lia Zambi iye mwene. Eswe aali mwanangana David ni Absalome yaatayiza mana ja Ahitofele.

2 Samuel 16:23 Iomraidhean Croise

2 Samuel 15:12

Absalome yasaka Ahitofele Ka-Ngilo ku chihunda chenyi cha Ngilo kuze analambula milambu. Iye te kaliamanga ka David. Mafwefwe apwile anji mumu atu okelele kuli Absalome tangwa ha tangwa.

2 Samuel 15:31

Umwe yalweza David ngwenyi, Ahitofele hanalifutula ni waze akwa punga ya Absalome. David yamba ngwenyi, Yehova, ngukulembe, alumuna mana a Ahitofele akapwe uhepuke.

2 Samuel 17:1

Ahitofele yamba nawa kuli Absalome ngwenyi, Ngutayizenu kama, ngusakule kumi lia tununu ni tununu aali a malunga, ngukatuke, nguhange David musono ufuku.

2 Samuel 17:14

Absalome ni malunga eswe a Izalele yamba ngwo, Mana ja Hushai Ka-Arke Shinaho; ja Ahitofele ka. Mumu Yehova hanafunjika kulu kulelesa chiyulo chipema cha Ahitofele hanga Yehova akakokele yipi hali Absalome.

2 Samuel 17:23

Muze Ahitofele yamona ngwe kakawile mana jenyi, yalulika chimbulu chenyi, yakatuka, yaya kwenyi ku chihunda chenyi. Yalulika zuwo lienyi, yalisukika. Chocho yafwa, yamufunda mu chifuka cha tato.

Jobe 28:28

Mba wambile kuli mutu ngwenyi, Tala, woma wa Yehova, e mana aze ene. Kukatuka ku yuma yipi, che chinyingi chenacho.

Jobe 5:12

Kakufuwisa kutaka cha yikanyame, mba moko jo kechi kuhasa kukumba.

Miaso (Masamu) 19:7

Shimbi ya Yehova yingunu; yakuhuzulula mbunge. Shindakenyo ya Yehova kuyakola, yakukanyamisa yizuzuke.

Miaso (Masamu) 28:2

Ivwa liji lia kuliumba chami muze mungutambika kuli yena, muze mungwolola moko jami ku chiswamo che chisandu.

Longeshi 10:1

Jiji afu kakunukisa vumba lipi yitumbo ya lupembo mupema; chocho uhepuke likepe kuwakukumba mana ni ulemu.

Jeremia 4:22

Mumu atu jami kanahepuka, kangunyingikine, yelo ja ana keshi yinyingi. Mana a kulinga yipi kali no, alioze kanyingikine kulinga yipema.

Jeremia 8:9

Akwa mana makaakolesa sonyi, makatatajala, makakwachika; mumu hanalitunu liji lia Yehova, mba mana aka ali no nawa?

Kwalula 27:21

Amane kumeso ja sasendote Eleazare, iye mamuhulila ku upatwilo wa Urimi kumeso ja Yehova; ku liji lienyi o akapwe nikutuhwoka, ni ku liji lienyi akapwe nikunjilanjila, neye ni A-Izalele eswe hamwe nenyi, che chikungulwila cheswe.

Mateu 11:25

Ha mwaka uze Yesu wakumbulwile ngwenyi, Ngunakuhalisa Tata, Mwene wa lilu ni hashi, mumu wahengekele yino yuma kuli akwa mana ni akwa malinjekela, wayisolwele kuli ana-akemba.

Luka 16:8

Mwene wenyi wahalishile kaselo ka uhenge, mumu walingile ni ukanyame, mumu akwa mwaka uno ha chisemuko cho ene kanakanyama kuhiana akwa pangu.

A-ROMA 1:22

Shimbu malivulwoka akwa mana, alumukine yihepuke.

1 Petulu 4:11

Kachi umwe mahanjika ahanjike ngwe iye liji lia Zambi; kachi umwe mavumbika, avumbike ngwe ku ngolo jize akumwaha Zambi: hanga mu yuma yeswe achichimieke Zambi ku tachi ja Yesu Kristu, yoze uhenya ni ndundo niyenyi ndo ku miaka yeswe ya mutolo. Amene.

1 Samuel 30:8

David yahula Yehova ngwenyi, Ngukaule mbunga yino, nyi? Mungwawana, nyi? Yamukumbulula ngwenyi, Kaula, muawana pundu mba mutambula nawa yeswe.