2 Samuel 16:22 - MUKANDA USANDU WA ZAMBI 1975

²² Kashika o yálila mbalaka Absalome ha fulumba lia zuwo ni Absalome yanjila kuli *akonkubina ja tato kumeso ja A-Izalele eswe.

Mukanda Wa Zambi 1970

²² Kashika yaajikila Absalome zuwo lia makubu ha fulumba lia zuwo lia mwanangana. Atu eswe yaamona chize Absalome anayi ni kulimona ni mapwo ja tato.

2 Samuel 16:22 Iomraidhean Croise

Ubutukilo 35:22

Kwapwile shimbu Izalele Watwamine mu chifuchi chize Rupene yaya, yapomba ni Mbila *konkubina ya tato, mba Izalele yachivwa. Mba ana ja Yakomba te kumi ni aali.

2 Samuel 11:2

Ha ngoloshi David yakatuka ha muhela wenyi, yaya nikwolola molu ha fulumba lia zuwo lia mwanangana. Ku fulumba yamona pwo umwe kanasane. Mwe pwo te mupema chikolo ku meso.

2 Samuel 15:16

Mwanangana watuhukile. Akwa zuwo lienyi eswe amukawile. Mwanangana wahichikile kumi lia mapwo te *akonkubina akafunge zuwo.

2 Samuel 20:3

David yaheta ku zuwo lienyi mu Yerusaleme, yanda e kumi lia mapwo *akonkubina jenyi waze te ahichikile kufunga zuwo, yaasela mu zuwo limwe lia kwafunga, yaaha kulia, alioze kanjilile kuli ayo. Chocho yaajililamo ndo tangwa lia kufwa cho utwamishi.

Izaya 3:9

Katonde ko kukanaashindakenya; ene kakusolola shili yo ngwe Sondome, kayiswekele. Lamba lio! Mumu ene hanalikokela chipi.

Jeremia 3:3

Kashika hakumina vula wa chehu ni vula wa samakwasa kejile. Hindu uli ni huma lia chikoi; kusolo kwivwa sonyi.

Jeremia 8:12

Te sonyi evwile ha kulinga yuma ya lwaji? Kenu! Kefwile sonyi nijimwe. Sonyi kajinyingikine. Kashika makalimbuka hakachi ka akwa kulimbuka. Mwaka wa kastigu mungwanunguna. Chocho kanambe Yehova.

Ezekiel 24:7

Mumu manyinga aze amwangine achili hakachi ko. Yaasa ha luliwe lwamokomoko; kasele ha mavu akaafuke ni fufuta.

Kwalula 25:6

Kumanyi! Kwahetele umwe wa kuli A-Izalele nikutwala kuli usoko wenyi umwe pwo Ka-Mindiane kumeso ja Mose ni kumeso ja chikungulwila cheswe cha A-Izalele, shimbu o machilila masoji ku chikolo cha mbalaka ya chikungulwila.

Filipu 3:19

songo lio, kwonwona; zambi yo, jimo; ni uhenya wo, sonyi jo; kakunyonga yuma ya hashi.