2 Samuel 16:2 - MUKANDA USANDU WA ZAMBI 1975

² Mwanangana yamba kuli Ziba ngwenyi, Yino yuma kuchi yinalumbunuka? Ziba ngwenyi, Akwa zuwo lia mwanangana menda hali yimbulu; mbolo ni mihuko ya lwiza akweze mayilia; mba mweswawo mahonga mu puya manwa ye vinyu.

Mukanda Wa Zambi 1970

² Mwanangana yamuhula ngwenyi: “Kulihi unayi ni yino yuma?” Mwe Ziba ngwenyi: “Vulie mwanangana! Yimbulu wano, akwa jiko lienu lia wanangana endele ho, mbolo ni mihuko hanga akweze alie, ni vinyu hanga waze maahonga mu puya anwe.”

2 Samuel 16:2 Iomraidhean Croise

Ubutukilo 21:29

Apimeleke yamba kuli Apalahama ngwenyi, Wano ana-mapanga shimbiali a yihwo hiwaasela kwa ukawo kuchi analumbunuka?

Ubutukilo 33:8

Esau yamba ngwenyi, Chendo cheswe natakana nacho kuchi chinalumbunuka? Iye yamba ngwenyi, Hanga ngukawane vumbi kumeso ja yena mwene wami.

2 Samuel 15:1

Kulutwe lia yino yuma Absalome yalilulikila temba-lia-jita ni tuvwalu ni makumi atano a malunga a kumutetekela.

2 Samuel 15:23

Akwa chifuchi cheswe alilile mbimbi, ni atu eswe azaukile. Ni mwanangana mwene wazaukile chitwetwe Kendrone, ni atu eswe azaukile nikutalikisa ku puya.

2 Samuel 17:29

ni wuchi, ni maji a yamwa, ni mapanga, ni keju ya ngombe, hanga David ni atu jenyi akalie. Mumu yamba ngwo, E atu kali ni zala, kanahongo ni pwila mu puya.

2 Samuel 19:26

Iye yakumbulula ngwenyi, Mwene wami mwanangana, ngamba yami wangwongele. Mumu yami kavumbi kenu nambile ngwami, Mungululika chimbulu ngukendeleho ngukaye ni mwanangana se yami kavumbi kenu nguli chilema.

Ezekiel 37:18

Mba muze atu je makuhula ngwo, Kuchi kutulweza ulumbunwiso wayo?

Akwa Kuyula 10:4

Wapwile ni makumi atatu a ana a malunga endele ha makumi atatu a yimbulu. Apwile ni makumi atatu a membo aalukile jina lia Havote-Njaire ndo musono. Mu chifuchi cha Ngiliate ali.

Akwa Kuyula 5:10

Ambululenu, enu nwakwenda ha yimbulu atoma, enu nwakutwama mu makupu, ni yenu nawa nwakwenda hashi mu majila.

1 Samuel 14:28

Umwe hakachi ka atu yamba ngwenyi, Tatenu kakanjisanga atu ni shingo ngwenyi, Mweswe malia musono, ashingiwe. Mba atu te kanalezumuka.

1 Samuel 25:27

Mulambu uno yami kavumbi kenu hinaneha kuli yenu mwene wami akauhane kuli akweze wano akunukaula mwene wami.