2 Samuel 16:12 - MUKANDA USANDU WA ZAMBI 1975

¹² Hanji Yehova matala ku chipi chino anangulingi, hanji Yehova mangukundulula chipema mumu ha matuka jenyi kuli yami musono.

Mukanda Wa Zambi 1970

¹² Kunwanyingikine hanji Mwene Zambi matala lamba liami n manguwahisa mumu ha kushililika chenyi.”

2 Samuel 16:12 Iomraidhean Croise

2 Samuel 16:13

Chocho David ni malunga jenyi ayile mu jila, ni Shimei kanalisese no ha mulundu Chichize hatalanganyi nenyi. Kanayi nikutukatuka nikumukonga mawe ni kumukuwila fufuta.

1 MIANANGANA 19:4

Hanji muchipwa Yehova Zambi ye mevwa maliji eswe a Rabeshaka yoze watumiwanga kuli mwata wenyi mwanangana wa Asuria kuchoka Zambi ya mwono, hanji iye makanjisa maliji eswe Yehova Zambi ye hevwa. Kashika uchilembele kama waze asala.

Miaso (Masamu) 10:14

Alioze yena hiwachimona, mumu kuwakumona uhuka ni kuhungumiona cha atu. Kumukachifwetesa ni kwoko lie. Mwe mukwa luyinda kakulikunjika kuli yena. Yena uli chikwashi cha ana-ashiwa.

Miaso (Masamu) 109:28

Ashinge, alioze yena wahisa. Muze makatuka, sonyi mevwa alioze kavumbi ke mawahilila.

Miaso (Masamu) 132:1

Yehova, hali David umwiwulukile lamba lienyi lieswe.

Miaso (Masamu) 25:18

Nyonga kama ha yipikalo yami ni yikola yami, ungukonekene kama milonga yami yeswe.

Yishima 25:22

mumu mulumbikila makala a kahia ha mutwe wenyi mba Yehova makakwononona.

Yishima 26:2

Ngwe ndalamusepe ha kupekumioka chenyi ni kapiasa ha kuhumuka chenyi, chocho shingo lize kulishi chitela kulishi kupwila.

Izaya 27:7

Te haalamba ngwe walambile akwa kwalamba? Haashiha ngwe washihile akwa kwashiha?

Joele 2:14

Iya kananyingika? Hanji malumuka nikulikonyeka, nikuhichika chiwape chimwe kunyima yenyi; chipwe mulambu wa wunga, hanji mulambu wa kunwa kuli Yehova Zambi yenu.

A-ROMA 8:28

Alioze tunanyingika, kuli waze akuzanga Zambi, yuma yeswe kuyakulinga hamuwika ha yipema, te kuli waze hanaatambika nikulita ni upale wenyi.

2 Korintu 4:17

Mumu luyinda wetu mulelu, wa kashimbu kano kakepekepe, kakulinga hali yetu kulumbama chahiana cha uhenya wa mutolo;

Shimbi 23:5

Hindu, Yehova Zambi yenu katayile kupanjika kuli Mbalau, alioze Yehova Zambi yenu yalumuna shingo likapwe chiwape cha yenu mumu te Yehova Zambi yenu kanuzanga.

Shimbi 23:6

Kanda nufupa apwe ni sambukila, chipwe hanga awahe matangwa jenu eswe a mutolo.

2 A-TESALONIKA 1:7

ni kuli yenu, kananupinjisa, munukahwima hamwe ni yetu, ha usolwelo wa Mwene Yesu mwilu hamwe ni angelo ja tachi jenyi,

Hebreu 12:10

Mumu o chamwenemwene, atulambile ha kutufumba ha matangwa akehe nikulita ngwe chaawahilile, aiioze iye hanga tukafumbuke, hanga tukaliangane ha usandu wenyi.

1 Samuel 1:11

Yalakenya chilakenyo ngwenyi, Yehova-wa-Tujita nyi chamwenemwene mutala luyinda wa yami kavumbi ke, uka-ngwiwuluke, kanda unguvulama yami kavumbi ke alioze ukangwehe mwana wa lunga, mungumuhana kuli Yehova ha matangwa eswe a mwono wenyi, kechi kasa tewula ku mutwe wenyi.