2 Samuel 16:10 - MUKANDA USANDU WA ZAMBI 1975

¹⁰ Mwanangana ngwenyi, Enu ana ja Zeluia yika yili hakachi ka yenu ni yami? Se kanatuku, se Yehova hanamwambe ngwenyi, Tuka David, mba yoze mamba ngwenyi, Kuchi te hiwachilinga, iya?

Mukanda Wa Zambi 1970

¹⁰ Mwanangana yambila Abishai ni yayo Joabe ngwenyi: “Yino hi milonga yenu ko, yenu ana ja Zeruya. Nyi kanangushililika mumu Mwene Zambi hamwamba cho, mba iya mahasa kumukanjisa!”

2 Samuel 16:10 Iomraidhean Croise

Ubutukilo 50:20

Nyi yenu, e, nwangunyongenene chipi, alioze Zambi wangupalilecho chipema, hanga akachilinge akafunge atu anji ni mwono; chocho chapwa musono.

2 Samuel 19:22

David yamba ngwenyi, Enu ana ja Zeluia, kuchi ni yenu ni yami, nupwe akwa kulimika ni yami musono? Kechi kushiha niumwe mu Izalele musono. Te chachinyingikine ngwami, Nguli mwanangana wa Izalele musono, nyi?

2 Samuel 19:23

Mwanangana yamba kuli Shimei ngwenyi, Kuchi kufwa. Mba yalishinga.

2 Samuel 3:39

Ni yami hinalela musono, chipwe nguli mwanangana wa kuwayisa ni maji. Wano malunga ana ja Zeluia angukalila naye. Yehova akafwetese mwe chingulungulu nikulita ni ungulungulu wenyi.

1 Yitanga Ya Mianangana 17:18

Pwo yamba kuli Eliya ngwenyi, Ena mutu wa Zambi, yika yiliko hakachi ka yena ni yami? Hiweza kuvumbula uhenge wami Ushihe mwanami.

1 Yitanga Ya Mianangana 2:5

Chikwo nawa kuunanyingika chize Joabe mwana Zeluia wangulingile, chize alingile kuli tupitau aali a tujita twa Izalele, ngwami Abenere mwana Nere ni Amasa mwana Jetere. Waashihile nikumwanga manyinga a jita ha mwaka wa sambukila, nikusa manyinga a jita ha muya wa mu zalilo yenyi ni ha haku ja ku molu jenyi.

1 MIANANGANA 18:25

Te chejile ni Yehova kulimika ni chifuchi chino ni kuchonwona? Yehova hangwamba ngwenyi, Yako ulimike ni chifuchi chino uchonwone.

Jobe 9:12

Machangumuna, iya mamukwika? Iya manwamba ngwenyi, Yika unalingi?

Miaso (Masamu) 39:9

Napwile kamama, chapakwile kanwa liami mumu yena wachilingile.

Longeshi 8:4

Mumu liji lia mwanangana tachi likwete. Iya mamuhula ngwo, Yika unalingi?

Lungungu 3:37

Iya hatumina chuma mba hichapwa, ndo Mwene wachifunjikile?

Daniel 4:35

Akwa hashi eswe kapwa ngwe nichimwe; iye kakulinga upale wenyi hakachi ka akwa mwilu ni hakachi ka akwa hashi. Iya makwika kwoko lienyi, hanji mamwamba ngwenyi, Yika unalingi?

Mateu 16:23

Alioze watewulukilile kuli Petulu ngwenyi, Sosolokako kunyima yami, Satana: uli chitalingiso kuli yami: mumu kushi kunyonga yuma ya Zambi alioze yuma ya atu.

Mateu 8:29

No kumanyi, akololokele ngwo, Kuchi yetu ni yena, Yesu mwe Mwana Zambi? Uneza kuno mukutupinjisa shimbu mwaka kanda wiza, nyi?

Yoano 18:11

Yesu kashika wambile kuli Petulu ngwenyi, Tomeka katana ke mu chindalo: musenge uze anguhele Tata chichi kuunwa, nyi?

A-ROMA 9:20

Ka, alioze yena mutu, yena iya, wakukumbulula kulimika ni Zambi? Chuma cha kutengewa muchamba kuli yoze wachitengele ngwenyi, Kuchi te wangutangile chocho?

1 Petulu 2:23

Muze amutukile, katukanyine; muze evwile lamba, komishine; aiioze walikunjikile ku moko ja yoze wakupatula ni ululi.

1 Samuel 26:19

Kashika mwene wami mwanangana panjikenu ku maliji a yami kavumbi kenu. Nyi Yehova hananuvundula kulimika ni yami atambule mulambu. Alioze nyi malunga hachilinga akashingiwe kumeso ja Yehova mumu hananguhumu musono hanga ngukahone chihanda cha chihinga cha Yehova ngwo, Yako ukavumbike mazambi eka.