2 Samuel 15:8 - MUKANDA USANDU WA ZAMBI 1975

⁸ Mumu yami kavumbi kenu nalakenyene chilakenyo shimbu te ngunatwama mu Ngeshure mu Seria ngwami, Nyi Yehova manguhetesa nawa ku Yerusaleme chamwenemwene mba mungulingila Yehova.

Mukanda Wa Zambi 1970

⁸ Muze yami kavumbi kenu nabwile ku Geshure mu chifuchi cha Siria, nalakenyene Mwene Zambi ngwami: ‘Nyi wanguhilwisa ku Yerusaleme, kachi mungukakuwayila mu Hebrone.’ ”

2 Samuel 15:8 Iomraidhean Croise

2 Samuel 14:23

Chocho Joabe yakatuka, yaya ku Ngeshure, yaneha Absalome ku Yerusaleme.

2 Samuel 14:32

Absalome yakumbulula kuli Joabe ngwenyi, Natuma kuli yena ngwami, Tweya kuno ngukutume kuli mwanangana uambe ngwe, Kuchi te nakatukile ku Ngeshure? Shinaho kachi nasalile kuze. Kashika ngutayize ngumone meso ja mwanangana. Nyi uhenge nguli nawo, angushihe.

2 Samuel 15:9

Mwanangana ngwenyi, Uye kanawa. Chocho yakatuka, yaya ku Heprone.

2 Samuel 3:3

Wamuchiali Chiliabe, mwana wa Abigale, wapwile pwo lia Nabale wa ku Karmela. Wamuchitatu Absalome, mwana wa Maka, iye mwana wa Talamai, mwanangana wa Ngeshure.

Miaso (Masamu) 56:12

Zambi, yilakenyo ye yili hali yami. Mungukwaha milambu ya kusakwila.

Longeshi 5:4

Nyi mulilakenya chilakenyo kuli Zambi, kanda ukokoloka ha kuchifweta mumu keshi kuwahilila ni yihepuke. Fweta chize hiwalakenya.

Izaya 28:15

Mumu hinwamba ngwenu, Etu hitwakolesa usendo ni ufwe, hitwalitesa ni Shiole; kashika muze chilungo cha kuzemuna muchipalika kuchichi kutuheta; mumu hitwatenga mahuza chiswamo chetu, kwonga chapwa uchinyino wetu.

Jeremia 42:20

ngwami, Hinwapiasuka nukatokese mwono wenu. Nwangutumine kuli Yehova Zambi yenu ngwenu, Nutulembele kuli Yehova Zambi yetu, mba cheswacho Yehova Zambi yetu mamba, hinutulweze mba mutuchilinga.

Yoshua 24:15

Nyi kunushi ni mbunge ya kulingila Yehova, hitongolenu musono waze munwalingila, shina mazambi aze tulamba twenu alingilile mu chifuchi cha mu sali lia Lwiji, nyi shina mazambi a A-Amore akwa chifuchi chino nwatwama. Alioze lia kutwala kuli yami ni akwa zuwo liami etu mutulingila Yehova.

1 Samuel 1:11

Yalakenya chilakenyo ngwenyi, Yehova-wa-Tujita nyi chamwenemwene mutala luyinda wa yami kavumbi ke, uka-ngwiwuluke, kanda unguvulama yami kavumbi ke alioze ukangwehe mwana wa lunga, mungumuhana kuli Yehova ha matangwa eswe a mwono wenyi, kechi kasa tewula ku mutwe wenyi.

1 Samuel 16:2

Samuel yamba ngwenyi, Kuchi munguhasa kuya? Nyi Saulu machivwa mangushiha. Yehova yamba ngwenyi, Twala chimbembe cha chihwo ukambe ngwe, Ngunayi mukulambula chitapo kuli Yehova.