2 Samuel 15:30 - MUKANDA USANDU WA ZAMBI 1975

³⁰ David yakandukila ku jila ya ku mulundu wa Olevwe, nikwenda nikulila. Yafuka mutwe, yazula haku. Mba waze eswe endele hamwe nenyi afukile mitwe yo. Yakanduka nikulila shimbu machenda.

Mukanda Wa Zambi 1970

³⁰ Mwanangana David yakanduka ha mundundena wa Mitondo Olive nikulila. Te hazula sapato ni halifuka hina ku mutwe ni chinyengo, ni eswe waze amukawile te kaanafuku mitwe yo, yaalila.

2 Samuel 15:30 Iomraidhean Croise

2 Samuel 15:29

Kashika Zadoke ni Abiatare yatwala mushete wa Zambi ku Yerusaleme nawa. Yatwamako.

2 Samuel 19:4

Mwanangana walifukile meso Walilile ni liji linene ngwenyi, Mwanami Absalome! Mwanami Absalome! Mwanamie-e-e!

2 Samuel 19:5

Joabe yanjila mu zuwo kuli mwanangana ngwenyi, Musono hinwakolesa sonyi tuvumbi twenu eswe waze anulamwinanga mwono wenu, ni mwono wa ana jenu a malunga ni a mapwo, ni mwono wa mapwo jenu ni wa *akonkubina jenu

Estere 6:12

Mordekai yeza nawa ku chikolo cha mwanangana alioze Hamane yachinyina ku zuwo lienyi nikulinyenga ni mutwe wenyi wa kufuka.

Miaso (Masamu) 42:3

Masoji jami hanalumuka kulia chami mwalwa ni ufuku, shimbu mambamba kuli yami ngwo, Zambi ye kulihi ali?

Miaso (Masamu) 43:5

Mbunge yami, yika unahongela? Kuchi te unapinji muchima liami? Talatala kuli Zambi, mumu mungumuhalisa nawa, iye chikwashi cha ku meso jami kanda Zambi yami.

Ezekiel 24:17

Twako mikuma, alioze liji ka. Kanda ulila mbimbi hali mufu. Kashila hina lia ku mutwe, zala haku je; kanda ufuka mivumbo, chipwe kulia mbolo ya akwa kulila.

Ezekiel 24:23

Munulikashila mahina ja ha mitwe yenu, ni kuzala haku jenu, alioze kunuchi kulishimwoka, chipwe kulila, alioze munukaliwangamisa mu uhenge wenu, ni kutwa mikuma umwe kuli mukwo ni mukwo.

Zakaria 14:4

Ha tangwa lize yiliato yenyi muyikamana ha mulundu wa Olevwe uze uli kulutwe lia Yerusaleme sali lia ku Chivumbuko. Mulundu wa Olevwe muukapulika yihanda yiali chize ku sali lia Chivumbuko ndo ku sali lia Chitokelo ngwe mungulunga unene chikolo, chocho chihanda chimuwika cha mulundu muchisetuka ku Norte ni chihanda chikwo ku Sule.

Mateu 5:4

Kawaha waze akulinyenga, mumu kumakaalembejeka.

Luka 19:29

Shimbu machikundama ku Mbetefweje ni Mbetaniya, ha mulundu uze jina liawo, wa Olevwe, watumine aali a kuli tumbaji,

Luka 19:37

Shimbu machikundama ku kupalumuka cha mulundu wa Olevwe, chizavu cheswe cha tumbaji twenyi aputukile kuwahilila nikuhalisa Zambi ni liji linene ha yipupu yize yeswe amwene;

Luka 19:41

Muze akundamine, watalile limbo, walilililile,

Luka 21:37

Ni tangwa ha tangwa, wapwile nikulongesa mu tembele; ni ufuku ha ufuku wapwile nikutuhwoka nikuuhwisa ha mulundu uze ngwo, Olevwe.

Luka 22:39

Iye watuhukile, wayile ngwe ndako yenyi ku mulundu wa Olevwe; ni tumbaji nawa amukawile.

Yilinga 1:12

Hohene ahilukile ku Yerusaleme, ku mulundu uze Olevwe, uze uli hakamwihi ni Yerusaleme, wenyi wa Sambata kuhetako.

A-ROMA 12:15

Wahililenu hamwe ni waze akuwahilila; lilenu hamwe ni waze akulila.

1 Korintu 12:26

Chipwe chihanda chimwe muchivwa lamba, yihanda yeswe muyivwa lamba hamuwika nacho; hanji kachi malemesa chihanda chimwe, yihanda yeswe muyiwahilila hamuwika nacho.