2 Samuel 15:26 - MUKANDA USANDU WA ZAMBI 1975

²⁶ Alioze nyi mamba ngwenyi, Chawahililile ni yena, mba yami uno akangulinge chize chamupemena.

Mukanda Wa Zambi 1970

²⁶ Alioze nyi kanguvwilile keke, kuheshi Chuma, mahasa kulinga ngwe chize anazange.

2 Samuel 15:26 Iomraidhean Croise

2 Samuel 10:12

Tuhamukenu; tupwenu tuli malunga mumu hali atu jetu ni ha yihunda ya Zambi yetu. Yehova akalinge chize chamupemena.

2 Samuel 11:27

Mba muze kulila hichahwa David yatuma, yamuneha ku zuwo lienyi yamumbata. Mba yamusemena mwana wa lunga. Alioze chuma halinga David chapihililile Yehova.

2 Samuel 19:28

Mumu akwa munyachi wa tata eswe twapwile afu kumeso ja mwene wami mwanangana, hindu nwasele yami kavumbi kenu hakachi ka waze akulia ku mesa ya yenu mwene. Kashika te poko nguli nayo kuteta nawa kuli mwanangana?

2 Samuel 22:20

Wangutuhwishile ndo ku chihela chinene nawa. Wangupulwile mumu wawahililile muli yami.

1 Yitanga Ya Mianangana 10:9

Yehova Zambi ye akafumane, yoze wevwile kuwaha ni yena, wakusele ha ngunja ya Izalele. Yehova wazangile A-Izalele ku miaka ya mutolo, kashika wakupwishile mwanangana ukapatwile ni ululi.

1 Sango Ja Mianangana 21:7

Ni Zambi yevwa kupiha ni chuma chino kashika yalamba A-Izalele.

2 Sango Ja Mianangana 9:8

Yehova Zambi ye akafumane yoze wevwile kuwaha ni yena, wakusele ha ngunja yenyi ukapwe mwanangana wa Yehova Zambi ye. Zambi ye wazangile A-Izalele; wafupile kwakolesa ndo ku miaka ya mutolo, kashika wakupwishile mwanangana wo ukapatwile ni ululi.

Miaso (Masamu) 39:9

Napwile kamama, chapakwile kanwa liami mumu yena wachilingile.

Izaya 42:1

Talenu kavumbi kami yoze ngunamukundwiza, yoze wa kusakula kuli yami, mbunge yami yinawahilila muli iye. Hinamusa Spiritu yami, kumakasolola ululi kuli akwa mavungu.

Izaya 62:4

Kechi kanutongola nawa ngwo, A kwehuka; chifuchi chenu kechi kachitongola nawa ngwo, Cha woya. Alioze makanutongola ngwo, Uwahililo wami watwamamo; ni chifuchi chenu makachitongola ngwo, Cha ulo, mumu Yehova kanawahilila muli yenu, ni chifuchi chenu muchipwa cha ulo.

Jeremia 22:28

Yono lunga Konia kanapu ndeho yimwe yafwa, ya kulelesa, chikwachilo niumwe kachizangile, nyi? Kuchi te iye ni ana jenyi hanaakongo nikwanyasa mu chifuchi kachinyingikine?

Jeremia 32:41

Mungukawahilila ha kwalinga yipema, mungukaatumba mu chifuchi chino ni umwenemwene, ni mbunge yami yeswe, ni mwono wami weswe.

Kwalula 14:8

Nyi Yehova wawahilila muli yetu, iye kumakatunjisa mu chino chifuchi, kumakatwahacho; chifuchi kuze kunokela yamwa ni wuchi.

Mateu 1:10

Hezekia wasemene Manase; Manase wasemene Amone; Amone wasemene Josia;

Yoshua 9:25

Haliapwila talenu tuli mu moko jenu. Cheswacho unamono ngwe chipema ni cha ululi hilingenu.

Akwa Kuyula 10:15

Alioze A-Izalele ambile kuli Yehova ngwo, Hitwavulumuna. Nutulinge cheswacho chanupemena alioze nutupulule kama musono.

1 Samuel 3:18

Kashika Samuel yamulweza ye yeswe. Kamuswekelele nichimwe. Eli ngwenyi, Iye Yehova, akalinge chize chamupemena.