2 Samuel 15:25 - MUKANDA USANDU WA ZAMBI 1975

²⁵ Mba mwanangana yamba kuli Zadoke ngwenyi, Hilwisa mushete wa Zambi mwimbo. Nyi munguwana vumbi kumeso ja Yehova manguhilwisako nikungulwezawo nawa ni zuwo lienyi.

Mukanda Wa Zambi 1970

²⁵ Mba mwanangana yambila Zadoke ngwenyi: “Hilwisa mushete wa Usendo mu limbo. Nyi Mwene Zambi kananguvwila keke, kulutwe matayiza nguhiluke ni kuuwana ni lie zuwo lienyi nawa.

2 Samuel 15:25 Iomraidhean Croise

2 Samuel 6:17

O yaneha mushete wa Yehova; yausa muma mwawo muchima lia mbalaka yize David hanautungila. David yalambula milambu ya kulumba ni milambu ya sambukila kumeso ja Yehova.

2 Samuel 7:2

mwanangana yamba kuli profeta Natane ngwenyi. Tala yami natwama mu zuwo lia sedru alioze mushete wa Zambi watwama mu mbalaka.

Miaso (Masamu) 122:1

Nawahililile muze angwambile ngwo, Tuyenu ku zuwo lia Yehova.

Miaso (Masamu) 122:9

Mumu ha mukunda wa zuwo lia Yehova Zambi ye mungukufupila yipema.

Miaso (Masamu) 26:8

Yehova kunazanga zuwo lie kutwamamo, kuze kwatwama ulemu we.

Miaso (Masamu) 84:10

Mumu tangwa limuwika lia mu yize ye liahiana kanunu. Kuli yami Shinaho kupwa mukwa kufunga pito mu zuwo lia Zambi; kutwama mu mbalaka ja ungulungulu ka.

Kutuhuka 15:13

Yena ni utu wa zango lie watwalile atu aze waakulile. Yena ni tachi je waasongwelele ndo kuze kwatwama usandu we.

Kutuhuka 33:12

Mose yamba kuli Yehova ngwenyi, Yena unambe kuli yami ngwe, Kandwisa wano atu, alioze kwangulwezele yoze mutuma ni yami. Hindu hiwamba ngwe, Ngunakunyingika ni jina lie, hiwawana nawa vumbi kumeso jami.

Kutuhuka 33:13

Haliapwila kashika, ngunakulembe, kachi hinawana vumbi kumeso je, ngulweze kama majila je, ngukunyingike hanga nguwane vumbi kumeso je, uchinyonge kama, ngwami, vungu lino kuliapwa atu je.

Izaya 38:22

Chikwo nawa Hezekia te hahula ngwenyi, Chilayi chika cha kungulweza ngwo, Muoya nawa ku zuwo lia Yehova?

Jeremia 25:30

Kashika muprofeteza maliji ano eswe kulimika no nikwamba kuli ayo ngwe, Yehova kwilu makahanjika lundunjila ku zuwo lienyi lisandu liji lienyi mulikahiohia. Kumakahanjika ni lundunjila wa tachi cha kulimika ni limba lienyi lia mapanga, kumakakololoka kulimika ni akwa hano hashi eswe, ngwe akwa kuliata uva mu ukamino.

Jeremia 7:4

Kanda nufuliela maliji wano a kwonga ngwo, Yino yinapu tembele ya Yehova, tembele ya Yehova, tembele ya Yehova.