2 Samuel 15:21 - MUKANDA USANDU WA ZAMBI 1975

²¹ Mba Itaia yakumbulula kuli mwanangana ngwenyi, Ni mwono wa Yehova, ni mwono wa yenu mwene wami mwanangana, kweswako mwene wami mwanangana mapwa, hanji ha kufwa, hanji ha mwono, kwenako mungupwa yami kavumbi kenu.

Mukanda Wa Zambi 1970

²¹ Alioze Itai ngwenyi: “Vulie mwanangana! Ni mwe Zambi ni mwe yenwene, yami kavumbi kenu munguya hamwe ni yenu matangwa eswe kweswako munuya, chibwe ku kufwa.”

2 Samuel 15:21 Iomraidhean Croise

2 Samuel 15:22

David yamba kuli Itaia ngwenyi, Yako uzauke. Chocho Ka-Ngata Itaia yazauka ni malunga jenyi eswe ni ana eswe apwile no.

1 MIANANGANA 2:2

Eliya yamba kuli Elisha ngwenyi, Sala kama kuno mumu Yehova hangutuma ku Mbetele. Alioze Elisha yamba ngwenyi, Ni mwono wa Yehova, ni mwono wa mbunge ye, chichi kulihandununa ni yena. Chocho apalumukine ku Mbetele.

1 MIANANGANA 2:4

Eliya yamba kuli iye ngwenyi, Elisha, sala kama kuno, mumu Yehova hangutuma ku Yeriku. Alioze iye ngwenyi, Ni mwono wa Yehova, ni mwono wa mbunge ye, chichi kulihandununa ni yena. Chocho yeza ku Yeriku.

1 MIANANGANA 2:6

Eliya yamba kuli iye ngwenyi, Sala kama kuno, mumu Yehova hangutuma ku Yordau. Aye ngwenyi, Ni mwono wa Yehova, ni mwono wa mbunge ye, chichi kulihandununa ni yena. Chocho o aali ayile.

1 MIANANGANA 4:30

Alioze naye ya mwana yamba ngwenyi, Ni mwono wa Yehova, ni mwono wa mbunge ye, chichi kukuhichika. Mba yakatuka, yamukaula.

Yishima 17:17

Sepa lia mutu kakuzanga matangwa eswe; yaya wasemukinyine kukwasa mu tangwa lia lamba.

Yishima 18:24

Yoze malizukila masepa anjianji malikokela kwonwona; alioze kwali sepa umwe wakulalaminya kuhiana yoze wasemuka nenyi.

Yilinga 11:23

Iye, muze ahetele, ha kumona vumbi lia Zambi, wawahililile; waashinjile eswe hanga ni mbunge yeswe alalaminye kuli Mwene.

Yilinga 21:13

Alioze Paulu wakumbulwile ngwenyi, Kuchi nunalingi, nikulila, nikushiha mbunge yami? Mumu ngunahase hi kukashiwa wika ko, alioze kufwa nawa ku Yerusaleme ha jina lia Mwene Yesu.

2 Korintu 7:3

Chambile chino kunuhisa: mumu hingunambe kulu ngwami, Yenu nuli mu mbunge jetu tukafwe hamuwika, tukatwame ni mwono hamuwika.

1 Samuel 20:3

Alioze David yalishinga ngwenyi, Tatenu kananyingika kanawa hinawana vumbi kumeso je kashika kananyongo ngwenyi, Jonatas kanda anyingika chino, kuchina mevwa kupiha. Alioze pundu, ni mwono wa Yehova ni mwono wa yena shimbo yimuwika yili hakachi ka yami ni kufwa.

1 Samuel 25:26

Kashika, mwene wami, ni mwono wa Yehova ni mwono wa yenu nawa, se Yehova hananukwika ku uhie wa manyinga nukalikale ni kwoko lia yenu mwene, kashika akwa kole jenu ni waze eswe anazange kulinga chipi kuli yenu mwene wami, akapwe ngwe Nabale.