2 Samuel 15:20 - MUKANDA USANDU WA ZAMBI 1975

²⁰ Ngwe zau unakeza, mba muchipema yami ngukwendese ku tunda ni ku mwanda hamwe ni yetu se ngunayi kweswako lume? Hiluka utwale akwenu nawa. Keke ni umwenemwene yipwe ni yenu.

Mukanda Wa Zambi 1970

²⁰ Uli kuno miaka yikepe wika. Ngwe kuchi yena muwendangana hamwe ni yami? Chibwe yami mwene Chanyingikine kuze ngunayi. Hiluka hamwe ni usoko we, Mwene Zambi anulweze utu, anufunge.”

2 Samuel 15:20 Iomraidhean Croise

2 Samuel 2:5

David yatuma tunganda kuli malunga a Njabeshe-Ngiliate ngwenyi, Nukawahe kuli Yehova mumu nwasolwele utu wa zango kuli mwene wenu Saulu ha kumufunda.

2 Samuel 2:6

Yehova akasolole utu wa zango ni umwenemwene kuli yenu. Ni yami mungunuwahisa mumu hinwalinga chuma chino.

Miaso (Masamu) 25:10

Majila eswe a Yehova utu wa zango ni umwenemwene kuli waze akufunga usendo wenyi ni Shindakenyo yenyi.

Miaso (Masamu) 56:8

Yena wakwalula kwendangana chami. Sako kama masoji jami mu mulangi we. Te mu mukanda we keshimo, nyi?

Miaso (Masamu) 57:3

Iye kwilu kumatuma akangulamwine, muze mukwa kungwonwona manguchoka; (Litulike.) Zambi matuma utu wa zango lienyi ni umwenemwene wenyi.

Miaso (Masamu) 59:15

Akalihize ku tunda ni ku mwanda ha kulia, akashimbule ufuku weswe nyi kakuchile.

Miaso (Masamu) 61:7

Iye kumakatwama kumeso ja Zambi ku miaka ya mutolo. Lulika kama utu wa zango lie ni umwenemwene we yikamulamwine.

Miaso (Masamu) 61:8

Chocho mungwimba uhaliso ku jina lie ku miaka ya mutolo, hanga ngukamanunune yilakenyo yami tangwa ha tangwa.

Miaso (Masamu) 85:10

Utu wa zango ni umwenemwene hiyinatakana hamuwika. Ululi ni sambukila hiyinalimeneka.

Miaso (Masamu) 89:14

Ululi ni upatwilo wapwa ngwe fundamentu ya ngunja ye. Utu wa zango wakwenda hamuwika ni umwenemwene kumeso je.

Yishima 14:22

Akwa kutaka yipi te kapiangukile, nyi? Alioze utu wa zango ni umwenemwene muyikapwa kuli akwa kuhala yipema.

Yishima 3:3

Kanda utayiza utu wa zango ni umwenemwene kukukatuka. Ukayikashile ku kota ye, nikuyisoneka ha mbunge ye.

Amose 8:12

Kumakendangana chize ku mbaka ndo ku mbaka, chize ku Norte ndo ku Chivumbuko; kumakazomboka sali ni sali nikufupa liji lia Yehova, alioze kechi kaliwana.

Yoano 1:17

Mumu ahanyine shimbi ku kwoko lia Mose; vumbi ni umwenemwene yejile kuli Yesu Kristu.

1 Samuel 23:13

Kashika David ni malunga jenyi, ngwe kulakaji asambano yakatuka ni kuhichika Kela, yachinyina kweswako ahashile. Muze Saulu hevwa ngwo, David hanachina ku Kela, yalitwamina kuyako.