2 Samuel 15:12 - MUKANDA USANDU WA ZAMBI 1975

¹² Absalome yasaka Ahitofele Ka-Ngilo ku chihunda chenyi cha Ngilo kuze analambula milambu. Iye te kaliamanga ka David. Mafwefwe apwile anji mumu atu okelele kuli Absalome tangwa ha tangwa.

Mukanda Wa Zambi 1970

¹² Muze te Absalome machilambula milambu, yasaka Ahitofele, sachiyulo wa mwanangana David, ku Gilo. Yikubwa punga yinene ya kuchiza mwanangana ni tachi. Ha chino atu anji alichingile ni Absalome.

2 Samuel 15:12 Iomraidhean Croise

2 Samuel 15:31

Umwe yalweza David ngwenyi, Ahitofele hanalifutula ni waze akwa punga ya Absalome. David yamba ngwenyi, Yehova, ngukulembe, alumuna mana a Ahitofele akapwe uhepuke.

2 Samuel 16:15

Absalome ni atu eswe malunga a Izalele yeza ku Yerusaleme, ni Ahitofele hamuwika.

2 Samuel 17:14

Absalome ni malunga eswe a Izalele yamba ngwo, Mana ja Hushai Ka-Arke Shinaho; ja Ahitofele ka. Mumu Yehova hanafunjika kulu kulelesa chiyulo chipema cha Ahitofele hanga Yehova akakokele yipi hali Absalome.

2 Samuel 17:23

Muze Ahitofele yamona ngwe kakawile mana jenyi, yalulika chimbulu chenyi, yakatuka, yaya kwenyi ku chihunda chenyi. Yalulika zuwo lienyi, yalisukika. Chocho yafwa, yamufunda mu chifuka cha tato.

2 Samuel 23:34

ni Elifelete mwana Ashebai mwana wa Ka-Makata; ni Eliame mwana Ahitofele Ka-Ngilo;

1 Yitanga Ya Mianangana 21:12

Yasela tangwa lia kulitwamina kulia, yasa Nabote kulutwe lia atu eswe

1 Yitanga Ya Mianangana 21:9

Mu mikanda yasoneka ngwenyi, Selenu tangwa lia kulitwamina kulia nukase Nabote kulutwe lia atu eswe.

1 Sango Ja Mianangana 27:33

Ahitofele aye kaliamanga ka mwanangana, ni Ka-Arke Hushai aye kasendo ka mwanangana.

Miaso (Masamu) 41:10

Alioze yena Yehova, nguvwile kama keke, unguzundule hanga ngukalikale hali ayo.

Miaso (Masamu) 41:9

Chipwe sepa liami yoze nalikata nenyi, yoze nafulielele, yoze walile kulia chami, hananguzundwila kashijino kenyi.

Yishima 15:8

Chitapo cha chingulungulu chapwa chizelwokeso kuli Yehova; alioze kulemba cha mukwa ululi chamuwahila chinji.

Yishima 21:27

Chitapo cha yingulungulu chapwa chizelwokeso; alioze muze machineha ni manyonga a ungulungulu mba chahiana kupiha.

Jeremia 6:20

Libano yize yineza kuli yami ya ku Shipa, yaka? Hanji mushachi uze uyema wa ku chifuchi chisuku? Chahashile kutambula milambu yenu ya kulumba. Yitapo yenu kuyangupemenene.

Kwalula 23:1

Mbalau yamba kuli Mbalake ngwenyi, Ungutungile kuno yilumbilo shimbiali, ungululikile kuno kuji a ngombe shimbiali ni kuji a mapanga shimbiali.

Kwalula 23:14

Yamutwala ku chifuchi cha Zofime, ndo ku mbulwa Pisiga, yatunga yilumbilo shimbiali, yalambula kuji ya ngombe umuwika, ni kuji ya panga umuwika ha chilumbilo ni chilumbilo.

Kwalula 23:30

Mbalake yalinga ngwe Mbalau hamba. Yalambula kuji ya ngombe umuwika ni kuji ya panga umuwika ha chilumbilo ni chilumbilo.

Yoano 13:18

Chishi kuhanjika hali yenu eswe; ngunanyingika waze hingunatongola; alioze hanga chisoneko chikamanunuke ngwo, Yoze wakulia mbolo hamwe ni yami, hananguzundwila kashijino kenyi.

Titu 1:16

Kakwamba ngwo, Tunanyingika Zambi; aiioze ni yitanga kakulikata iye, akwa kuzelwokesa, yihulia; ha kutwala ku yitanga yeswe yipema yisáshili amokomoko.

Yoshua 15:51

ni Ngoshone, ni Holone, ni Ngilo. Kumi lia membo ni limbo limuwika hamwe ni tuyihunda two.