2 Samuel 15:1 - MUKANDA USANDU WA ZAMBI 1975

¹ Kulutwe lia yino yuma Absalome yalilulikila temba-lia-jita ni tuvwalu ni makumi atano a malunga a kumutetekela.

Mukanda Wa Zambi 1970

¹ Mwabwamuze, Absalome yalilulikila temba ni tuvwalu ni mbunga ya malunga makumi atano a kumutetekela.

2 Samuel 15:1 Iomraidhean Croise

2 Samuel 12:11

Yehova kanambe ngwenyi, Mungukuvundwila yipi mwe mu zuwo lia yena mwene. Mungutambula mapwo je kumeso je nikwahana kuli akwenu, mba mapomba ni mapwo je, he ha mwalwa uno lume.

1 Yitanga Ya Mianangana 1:33

Mwanangana yamba kuli ayo ngwenyi, Twalenu tuvumbi twa mwene wenu nukendese mwanami Solomone ha mula wa yami mwene akamupalumwise ku Ngehone.

1 Yitanga Ya Mianangana 1:5

Kulutwe Adonija mwana Hagita yalinangamisa ngwenyi, Yami mungupwa mwanangana. Yalilulikila matemba-a-jita, ni akwa tuvwalu, ni makumi atano a malunga akwa kuzomboka kulutwe henyi.

Miaso (Masamu) 20:7

Amwe kakufuliela matemba, amwe tuvwalu, alioze yetu mutuvulwoka jina lia Yehova Zambi yetu.

Yishima 11:2

Muze kulengumuka hicheza, ni sonyi nawa mujiza, alioze mana katwama ni akwa kulikehesa.

Yishima 16:18

Kulengumuka kuchakutetekela kunonga. Mbunge ya kulizata yatwala ku kulimbuka.

Yishima 17:19

Mweswe wazanga ndombo wazanga utanguko; yoze manangamisa pito lienyi kanafupu akamwonwone.

Shimbi 17:16

Chino wika, kanda aliokesela tuvwalu, hanji kuhilwisa atu ku Engitu hanga okese tuvwalu, mumu te Yehova wambile kuli yenu ngwenyi, Kunuchi kuhilukila ku jila yize nilimwe tangwa.

1 Samuel 8:11

Ngwenyi, Chocho mapwa mwanangana yoze manuyula. Makwata anenu a malunga nikwasela ku matemba jenyi a jita, ni kupwa akwa tuvwalu twenyi akazomboke kulutwe lia matemba jenyi.