2 Samuel 14:32 - MUKANDA USANDU WA ZAMBI 1975

³² Absalome yakumbulula kuli Joabe ngwenyi, Natuma kuli yena ngwami, Tweya kuno ngukutume kuli mwanangana uambe ngwe, Kuchi te nakatukile ku Ngeshure? Shinaho kachi nasalile kuze. Kashika ngutayize ngumone meso ja mwanangana. Nyi uhenge nguli nawo, angushihe.

Mukanda Wa Zambi 1970

³² Absalome yakumbulula ngwenyi: “Mumu muze nakutambikile, kuwejile ko. Ngunakazanga kukutuma ni kunguhulila mwanangana wami. Mumu yika nakatukilile ku Geshure ni kwiza kuno? Te chibema kutwama kwami kuzekwene.” Yamba nawa ngwenyi: “Ngunazange hanga ngululike milonga yami hanga ngulimone ni mwanangana. Mba nyi ngwe nguli ni mulonga, hiangushihe lume.”

2 Samuel 14:32 Iomraidhean Croise

Ubutukilo 3:12

Lunga yamba ngwenyi, Pwo wanguhele akapwe hamwe ni yami, iye wangwahanga wa ku mutondo mba nalianga.

2 Samuel 13:37

Alioze Absalome yachina, yaya ku Talamai mwana wa Amihude, mwanangana wa Ngeshure. David aye yalishimwoka hali mwanenyi tangwa ha tangwa.

2 Samuel 14:31

Mba Joabe yakatuka yeza kuli Absalome ku zuwo lienyi ngwenyi, Kuchi te ngamba je hocha munda wami?

2 Samuel 3:3

Wamuchiali Chiliabe, mwana wa Abigale, wapwile pwo lia Nabale wa ku Karmela. Wamuchitatu Absalome, mwana wa Maka, iye mwana wa Talamai, mwanangana wa Ngeshure.

Miaso (Masamu) 36:2

Mumu kakulichichimieka kumeso jenyi mwene, ndo ungulungulu wenyi muusoloka wa kuneha lwaji.

Kutuhuka 14:12

Te kutwahanjikile kuli yena mu Engitu liji lino liene, ngwetu, Tweche, tukalingile A-Engitu? Shinaho tukalingile A-Engitu, kufwila muno mu puya chipi.

Kutuhuka 16:3

A-Izalele yamba kuli ayo ngwo, Kachi twafwile ni kwoko lia Yehova mu chifuchi cha Engitu muze twatwamine ku ndeho ja yifwo, muze twalile nikukuta. Mumu yenu hinwatuhetesa ku puya yino mukushiha ni zala chikungulwila chino cheswe.

Kutuhuka 17:3

Kwe kuze atu evwile pwila ya meya. E atu yalinyenyeta ni Mose ngwo, Kuchi te watuchijile ku Engitu? Mukutushiha ni pwila, ni ana jetu ni yimuna jetu nyi?

Yishima 28:13

Mweswe masweka uvulumunyi wenyi kechi kawaha; alioze mweswe maushikisa nikuumbila mawana keke.

Jeremia 8:12

Te sonyi evwile ha kulinga yuma ya lwaji? Kenu! Kefwile sonyi nijimwe. Sonyi kajinyingikine. Kashika makalimbuka hakachi ka akwa kulimbuka. Mwaka wa kastigu mungwanunguna. Chocho kanambe Yehova.

Mateu 25:44

Hohene o nawa makakumbulula ngwo, Mwene, mwiji muka twakumwene ni zala, hanji ni pwila, hanji chilambala, hanji ni uvu, hanji ni kuyiza, hanji mu zuwo lia ususu, kutwakuvumbikile?

A-ROMA 3:19

Achi, tunanyingika yeswayo shimbi muyamba, muyihanjika kuli waze atwama kushi lia shimbi; hanga makanwa eswe akapakike, ni akwa hashi eswe akahie kuli Zambi:

1 Samuel 15:13

Samuel yaheta kuli Saulu, mba Saulu yamba kuli iye ngwenyi, Yehova anuwahise! Hinalinga shimbi ja Yehova.

1 Samuel 20:8

Kashika ngulingile vumbi, yami kavumbi ke mumu hiunakolesa usendo wa Yehova ni yami kavumbi ke. Alioze nyi chitela nguli nacho, ngushihe yena mwene. Kuchi te mukangutwa la kul tatenu?