2 Samuel 14:3 - MUKANDA USANDU WA ZAMBI 1975

³ Njila kuli mwanangana, uambe kuli iye maliji wano. Mba Joabe yamulongesa maliji mu kanwa lienyi.

Mukanda Wa Zambi 1970

³ Mba yako kuli mwanangana Umulweze maliji eswe waze mungukulweza.” Mba Joabe yalweza pwo yize chamutamba kwamba.

2 Samuel 14:3 Iomraidhean Croise

2 Samuel 14:19

Mwanangana yamba ngwenyi, Ngwami, kwoko lia Joabe lili hamwe ni yena mu pande jino jeswe nyi? Pwo yakumbulula ngwenyi, Ni mwono wenu, mwene wami mwanangana, niumwe mahasa kupiasukila ku chindume hanji ku chimeso ku chimwe chuma mwene wami mwanangana hanahanjika. Pundu kavumbi kenu Joabe iye wangutumanga, ni iye nawa wasanga maliji wano eswe mu kanwa lia yami kavumbi kenu.

2 Samuel 14:4

Muze pwo wa ku Tekoa wahanjikile ni mwanangana yafulamana hashi nikumuwayila, ngwenyi, Mwanangana, ngukwasenu kama.

Ezra 8:17

Naatumine kuli Ido, mukwa lutwe ku Kasifia, akambe kuli Ido ni usoko wenyi A-Netinime ku Kasifia akatunehene akwa kuvumbika mu zuwo lia Zambi yetu.

Kutuhuka 4:15

Hanjika nenyi yena ukase maliji mu kanwa lienyi. Yami mu ngukapwa hamwe ni kanwa lie ni hamwe n kanwa lienyi. Mungukakulongesa chize yena, mukalinga.

Izaya 51:16

Hinasa maliji jami mu makanwa jenu, hinanusweka mu Chizulie cha kwoko liami, nikuzazulula malilu, nikusa fundamentu ya hashi, nikwamba ku Zaione ngwami, Nuli atu jami.

Izaya 59:21

Yehova kanambe ngwenyi, Ha kutwala kuli yami, usendo wami kuli ayo muupwa uno ngwami, Spiritu yami yoze watwama hali yenu ni maliji jami aze hinasa mu kanwa lienu kechi kakatuka mu kanwa lienu, chipwe mu makanwa ja ana jenu, chipwe mu makanwa ja ajikulu jenu chize ku tangwa lia musono ndo ku miaka ya mutolo. Chocho kanambe Yehova.

Jeremia 1:9

Mba Yehova yazoza kwoko lienyi yalisa ku kanwa liami; Yehova yamba kuli yami ngwenyi, Tala, hinasa maliji jami mu kanwa lie.

Kwalula 23:5

Yehova yasa liji limwe mu kanwa lia Mbalau ngwenyi, Hiluka kuli Mbalake, wambe chino.

Shimbi 18:18

Mungukaasolwela profeta hakachi ka usoko wo, malifwa ni yena; mungusa maliji jami mu kanwa lienyi, iye kumakambulula kuli ayo yeswe mungumwambayo.