2 Samuel 14:22 - MUKANDA USANDU WA ZAMBI 1975

²² Joabe yafulamana hashi nikuwayila mwanangana ni kumuhalisa. Joabe ngwenyi, Mba musono yami kavumbi kenu hananyingika, ngwami, hinawana vumbi kumeso ja yenu mwene wami mwanangana se mwanangana halinga chize yami kavumbi kenyi namwita.

Mukanda Wa Zambi 1970

²² Mwata Joabe yafulamana hashi ku meso ja mwanangana nikwamba ngwenyi: “Vulie mwanangana! Mwene Zambi anuwahise! Haliabwila hinanyingika ngwami, kuma nwakungwivwa kuwaha, mumu hinwalinga chize hinanwita.”

2 Samuel 14:22 Iomraidhean Croise

Ubutukilo 47:7

José yaneha tato Yakomba, yamusela kumeso ja Falau. Yakomba yawahisa Falau.

Ubutukilo 6:8

Alioze Noe wawanyine vumbi kumeso ja Yehova.

2 Samuel 14:21

Mwanangana yamba kuli Joabe ngwenyi, Tala, hinalinga chuma chino. Kashika yako unehe mukweze Absalome nawa.

2 Samuel 14:23

Chocho Joabe yakatuka, yaya ku Ngeshure, yaneha Absalome ku Yerusaleme.

2 Samuel 14:4

Muze pwo wa ku Tekoa wahanjikile ni mwanangana yafulamana hashi nikumuwayila, ngwenyi, Mwanangana, ngukwasenu kama.

2 Samuel 19:39

Atu eswe azaukile Yordau, ni mwanangana wazaukile. Mwanangana wambejele Bazilai, yamuwahisa, iye yahiluka kwenyi.

Nehemia 11:2

Mba atu yawahisa malunga aze eswe alihanyine ni mbunge yeswe kutwama mu Yerusaleme.

Jobe 29:11

Muze matwi jo anguvwile anguhalishile; muze meso jo amwene atayijile,

Jobe 31:20

nyi molu jenyi kanguhalishile; kachi kavumine ni wona wa ku mapanga jami,

Yishima 31:28

Ana jenyi makatuka nikumuvuluka ngwo, Kawaha! Lunga lienyi kakumuhalisa ngwenyi,

Rute 2:2

Mba Rute mwe Ka-Moape yamba kuli Noemi ngwenyi, Ngutayize kama kuya ku munda nikuhuhujola hakachi ka mbuto kunyima lia yoze manguvwila vumbi. Yamba kuli iye ngwenyi, Yako mwanami.

1 Samuel 20:3

Alioze David yalishinga ngwenyi, Tatenu kananyingika kanawa hinawana vumbi kumeso je kashika kananyongo ngwenyi, Jonatas kanda anyingika chino, kuchina mevwa kupiha. Alioze pundu, ni mwono wa Yehova ni mwono wa yena shimbo yimuwika yili hakachi ka yami ni kufwa.